تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

قوت مدافعت بڑھانے کیلئے کون سی غذائیں مفید ہیں ؟ جانیے!!

دنیا بھر میں پھیلنے والی وبا کورونا وائرس کے بعد سے قوت مدافعت بڑھانے والی غذاؤں سے متعلق موضوعات لوگوں میں زیر بحث رہے ہیں، وائرس سے مقابلہ کرنے کی طاقت پیدا کرنے کیلئے لوگ اپنی قوت مدافعت میں اضافے کو ترجیح دینے لگے ہیں۔

دنیا بھر میں لوگوں نے ایسی غذا پر خصوصی توجہ دینا شروع کر دی ہے جو ان کی قوت مدافعت بڑھا سکتی ہے تاکہ وائرس سے مقابلہ کرنے کی طاقت پیدا ہو سکے۔

ویب سائٹ نیوز 18 کے مطابق معدنیات اور وٹامن سے بھرپور کھانے خوراک کا حصہ ہونی چاہیے۔ کورونا کی وبا سے مقابلے کے لیے ضروری ہے کہ اپنی صحت کا خیال رکھا جائے، تاہم ایسے میں ویکسین لگوانے کو اولین ترجیح دی جائے۔ قوت مدافعت بڑھانے کے لیے خوراک میں آئرن سے بھرپور غذا کا روزانہ استعمال یقینی بنانا چاہیے۔

پالک ایک ایسی سبزی ہے جسے آئرن کے حصول کا بہترین ذریعہ سمجھا جاتا ہے جو قوت مدافعت بھی بڑھانے میں انتہائی فائدہ مند ثابت ہو سکتی ہے۔ آئرن کے علاوہ پالک میں کیلشیم، سوڈیئم اور فاسفورس کی بھی وافر مقدار پائی جاتی ہے۔ خون میں ہیمو گلوبن بڑھانے کے لیے بھی پالک کو مفید سمجھا جاتا ہے۔

خشک میوہ جات جیسے کشمش اور انجیر بھی آئرن سے بھرپور ہوتے ہیں۔ ان کے استعمال سے جسم میں آئرن کی کمی کو پورا کیا جا سکتا ہے۔ خشک میوہ جات کھانے سے خون کے خلیات کی تعداد میں بہتری لائی جا سکتی ہے۔

دالیں کھانے سے بھی جسم میں آئرن کی کمی کو پورا کیا جا سکتا ہے۔ ایک کپ پکی ہوئی دال میں چھ ملی گرام تک آئرن موجود ہوتی ہے جو انسانی جسم کے لیے روزانہ کی بنیاد پر لازمی قرار دی گئی مقدار کا 37 فیصد ہے۔

آئرن کی وافر مقدار میں حصول کے لیے سویا بین کا استعمال بھی کیا جاتا ہے۔ ایک سو گرام کچی سویا بین میں 15.7 ملی گرام آئرن موجود ہوتی ہے۔ سویا بین سے بنے ہوئے کھانوں کا روزانہ استعمال آئرن کی کمی کو پورا کرنے میں مددگار ثابت ہو سکتا ہے۔

سبزیوں میں پالک کے علاوہ آلو میں آئرن کی وافر مقدار موجود ہوتی ہے۔ ایک کچے آلو میں 3.2 ملی گرام آئرن موجود ہوتا ہے۔ اس کے علاوہ آلو فائبر، وٹامن سی، بی چھ اور پوٹاشیم حاصل کرنے کا بہترین ذریعہ ہے۔

Comments

- Advertisement -