The news is by your side.

Advertisement

21 منزلہ عمارت کیسے لمحوں میں ڈھیر ہوگئی، حیرت انگیز ویڈیو دیکھیں

ورجینیا: 42 سال پرانی 21 منزلہ عمارت لمحوں میں زمیں بوس ہو گئی، برسوں کی محنت چند سیکنڈز کے اندر ڈھیر کر دی گئی۔

تفصیلات کے مطابق امریکی ریاست ورجینیا میں 1978 میں تعمیر کی گئی 21 منزلہ عمارت خاک کے ڈھیر میں تبدیل ہو گئی ہے، بٹن دباتے ہی چند سیکنڈز بعد عمارت کی جگہ دھوئیں کے گہرے بادل نظر آئے۔

ہفتے کی صبح کو عمارت گرانے کے لیے 3 ہزار 270 پونڈز بارود پوری عمارت میں ڈھائی ہزار سے زیادہ سوراخ بنا کر بھرا گیا، بارود اڑانے کے بعد عمارت صرف 20 سیکنڈز کے اندر اس طرح زمیں بوس ہو گئی جیسے ریت سے بنائی گئی ہو، اور چاروں طرف دھوئیں کا ایک غبار پھیل گیا۔

صبح سویرے اس منظر کو دیکھنے کے لیے بہت سارے لوگ جمع ہوئے تھے، جنھوں نے پندرہ بلاک دور رہ کر یہ منظر دیکھا۔ عمارت گرائے جانے کے بعد سڑکوں کی حالت ایسی ہو گئی تھی جیسے اس پر برف باری ہوئی ہو۔

یہ عمارت ڈومینین انرجی کا سابقہ ہیڈکوارٹر تھا، اس کی اونچائی 340 فٹ تھی، رواں سال کے آغاز ہی میں یہ کمپنی ایک نئی عمارت میں منتقل کر دی گئی تھی۔

fb-share-icon0
Tweet 20

Comments

comments

یہ بھی پڑھیں