The news is by your side.

Advertisement

برطانیہ آنے والے مسافروں سے متعلق برطانوی حکومت کا اہم اعلان

لندن : برطانوی حکومت نے برطانیہ پہنچے والوںکو چودہ روز تک قرنطینہ میں رکھنے کا منصوبہ تیار کرلیا، بورس جانسن نئے قوانین کا اعلان کریں گے۔

نمائندہ اے آر وائی نیوز کی رپورٹ کے مطابق دنیا بھر میں کرونا وائرس کی مہلک ترین اور جان لیوا وبا پھیلنے والے بعد برطانوی حکومت نے مسافروں کےلیے نیا اعلان کردیا۔

برطانوی اخبار کے مطابق اتوار کے روز وزیر اعظم بورس جانسن نئے قوانین کا اعلان کریں گے جس کے تحت برطانیہ آنے والوں کو چودہ روز تک قرنطینہ میں رکھا جائے گا۔

برطانوی میڈیا کا کہنا ہے کہ ملک میں داخل ہونے والے برطانوی شہریوں کو بھی چودہ روز کےلیے آئسولیشن میں رہنا پڑے گا اور خلاف ورزی کرنے والوں کو ایک ہزار پاؤنڈ جرمانہ اور ڈی پورٹ بھی کیا جائے گا۔

رپورٹ میں بتایا گیا ہے کہ مذکورہ قوانین کا اطلاق بحری، فضائی اور ٹرین سے آنے والے تمام مسافروں پر ہوگا، آج کل روزانہ تقریباً دس ہزار افراد برطانیہ داخل ہو رہے ہیں، کرونا سے قبل روزانہ تین لاکھ سے زیادہ افراد برطانیہ میں داخل ہوتے تھے۔

برطانوی حکومت کے مرتب کردہ نئے قوانین میں فضائی عملے، ٹرین ڈرائیورز، میڈیکل ورکرز اور لاری ڈرائیورز کو استثنیٰ حاصل ہوگا جبکہ آئرلینڈ سے آنے والے مسافر بھی اس قانون سے مستثنیٰ ہوں گے۔

fb-share-icon0
Tweet 20

Comments

comments

یہ بھی پڑھیں