لندن: برطانوی حکومت نے ملک میں مزید ہزاروں افراد کو کئیر ورکرز کے طور پر بھرتی کرنے کا اعلان کردیا۔
تفصیلات کے مطابق برطانوی وزیرصحت مٹ ہنکوک نے مذکورہ اعلان کرتے ہوئے کروناوائرس کے پیش نظر نئی ہدایات بھی جاری کی ہیں۔ انہوں نے وزیراعظم ہاؤس میں روزانہ کی بریفنگ دیتے ہوئے کہا کہ اب ورثاء کرونا وائرس سے مرنے والوں کی آخری رسومات میں شرکت کر سکیں گے۔
ان کا کہنا تھا کہ لوگوں کو تنہائی میں آخری سانسیں لیتے دیکھ کر دکھ ہوا، کرونا سے ہلاک ہونے والے تیرہ سالہ نوجوان کے ورثاء بھی آخری دیدار نہ کر سکے جس کا افسوس ہے۔
ہم سب نے مل کر کورونا وائرس کا مقابلہ کرنا ہے، ملکہ برطانیہ
وزیرصحت نے مزید کہا کہ آخری لمحات میں بیمار کے ساتھ ہونا انسانوں کا بنیادی حق اور خواہش ہے مگر کرونا نے اسے مشکل بنا دیا ہے، تاہم اب مہلک وائرس سے مرنے والوں کے اہل خانہ کو آخری رسومات میں شرکت کرنے کی اجازت ہوگی۔
لاک ڈاؤن پر بات کرتے ہوے ان کا کہنا تھا کہ جب تک صورت حال ٹھیک نہیں ہوگی لاک ڈاؤن نہیں ہٹایا جائے گا۔ خیال رہے کہ وزیر صحت وزیراعظم کی جگہ پریس کانفرنس سے مخاطب تھے جبکہ وزیراعظم کنٹری ہاؤس میں مقیم ہیں اور مکمل صحتیابی کے بعد ذمہ داریاں سنبھالیں گے۔
