The news is by your side.

وزیرتعلیم کا یونیورسٹیوں سے متعلق اہم اعلان

اسلام آباد: وفاقی وزیر تعلیم نے چیئرمین ہائیر ایجوکیشن کمیشن( ایچ ای سی) ڈاکٹر احمد مختار کو نئی یونیورسٹیاں بنانے سے روک دیا۔

تفصیلات کے مطابق چیئرمین ایچ ای سی کو نئی جامعات کے این او سی جاری کرنے پر پابندی عائد کرنے کے لئے وفاقی وزیرتعلیم رانا تنویر حسین نے خط لکھا۔

خط میں جامعات کی تشکیل کے بجائےمعیارتعلیم میں اضافے،بہتری کے اقدامات تجویز کرنے کی ہدایت دی گئی۔

یہ بھی پڑھیں: تعلیمی ادارے 2 دن کیلیے بند، نوٹیفکیشن جاری

رانا تنویر حسین کا کہنا تھا کہ بغیر این او سی کے قائم یونیورسٹیوں کا فوری خاتمہ کیاجائے اور ایسی یونیورسٹیوں کی تفصیل پرنٹ، الیکٹرانک اور سوشل میڈیا پر جاری کی جائیں۔

وزیر تعلیم کا کہنا تھا کہ جامعات کی تعداد میں بنا معیارکےاضافہ بےسودہے، نئے این او سی بالکل بھی جاری نہ کیےجائیں۔

انہوں نے کہا کہ نوجوانوں کامعیاری تعلیم اورہنرکےذریعےملکی معیشت میں اہم کردارہوسکتاہے۔

یاد رہے کہ گذشتہ سال دسمبر میں سپریم کورٹ نے بھی ہائر ایجوکیشن کمیشن کو ملک بھر کی پرائیویٹ یونیورسٹیوں کے غیر قانونی کیمپس بند کرنے کا حکم دیا تھا۔

عدالت عظمیٰ نے حکم دیا تھا کہ ملک بھر میں ’ہائر ایجوکیشن کمیشن کی یکساں پالیسیوں پر عمل درآمد کو یقینی بنایا جائے۔

Comments

یہ بھی پڑھیں