اسلام آباد: پاکستان کے صدر ڈاکٹر عارف علوی نے اعلان کیا ہے کہ انشااللہ اس سال ایوان صدر اور اطراف میں 10ہزار درخت لگائیں گے۔
تفصیلات کے مطابق صدر مملکت نے یہ اعلان سماجی رابطے کی ویب سائٹ ٹوئٹر کے ذریعے کیا۔ ان کا کہنا تھا کہ یہ عمل بنیوں کی سنت اور ثواب بھی ہے جس میں ماحولیاتی بہتری بھی ہے۔
عارف علوی نے لکھا کہ آپ بھی صاف اور سرسبز پاکستان کی مہم میں شریک ہوں۔
اِس سال انشاللہ ہم ایوان صدر اور اسکے اطراف میں دس ہزار پھلدار درخت لگائیں گے- ماحولیاتی بہتری بھی ہے، نبیوں کی سنت بھی، اور ثواب کا کام بھی۔ آپ بھی صاف اور سرسبز پاکستان کی مہم میں شریک ہوں۔ https://t.co/RZL6yhzBC9
— Dr. Arif Alvi (@ArifAlvi) August 1, 2021
خیال رہے کہ وزیراعظم عمران خان نے اقتدار میں آنے کے بعد باقاعدہ طور پر شجر کاری مہم کا آغاز کیا اور یہ سلسلہ مرحلہ وار جاری ہے جس کے مثبت نتائج بھی سامنے آرہے ہیں۔
وزیر اعظم عمران خان کا شجرکاری مہم میں شریک عوام سے اظہار تشکر
وزیراعظم کے اس اقدام پر پوری دنیا بھی معترف ہے، عالمی رہنماؤں نے بھی وزیراعظم کے اس اقدام کو سراہا ہے۔ دنیا بھر میں ماحولیات کی بدلتی صورت حال پر ماہرین تشویش کا شکار ہیں۔
زور دیا جارہا ہے کہ ہر ملک شجرکاری مہم کا آغاز کرے تاکہ ماحولیاتی تبدیلی کو روکا جاسکے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں