The news is by your side.

تعلیمی اداروں کی بندش سے متعلق اہم اعلانات

وزیر تعلیم نے بلوچستان کے تمام اسکولز اور کالجز 2 ستمبر بروز جمعہ تک بند رکھنے کا اعلان کر دیا۔

وزیر تعلیم میرنصیب اللہ مری کا کہنا ہے کہ بارشوں سےکئی اضلاع میں تعلیمی اداروں کونقصان پہنچا ہے سیکرٹری سیکنڈری اسکولز اور ہائیر ایجوکیشن کو تعطیلات میں توسیع کی ہدایت کر دی گئی ہے۔

یونیورسٹی آف سوات نے سالانہ امتحانات ملتوی کر دیے۔ اعلامیہ کے مطابق سوات یونیورسٹی نے بی اے، بی ایس سی کےامتحانات ملتوی کر دیے۔ بی بی اےاوربی کام کےسالانہ امتحانات بھی ملتوی کیے گئے ہیں۔

انتظامیہ کا کہنا ہے کہ امتحانات سیلابی صورتحات کےباعث ملتوی کئےگئے۔ سالانہ امتحانات کا شیڈول بعدمیں جاری کیاجائےگا۔

محکمہ تعلیم خیبرپختونخوا نے لوئر دیر میں تعلیمی اداروں کی چھٹیوں میں 31 اگست تک توسیع کا اعلان کیا ہے۔

Comments

یہ بھی پڑھیں