تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عمرہ اجازت ناموں کے حوالے سے سعودی حکام کی اہم وضاحت

ریاض: سعودی حکومت نے وضاحت کی ہے کہ عمرہ اجازت نامہ منسوخ ہونے پر ٹرانسپورٹ کی رقم کیسے ملے گی۔

غیرملکی خبررساں ادارے کی رپورٹ کے مطابق سعودی وزارت حج وعمرہ سے مقامی شہری نے سوال کیا کہ عمرہ اجازت نامے کے لیے ٹرانسپورٹ کی رقم بھی ادا کردی تھی لیکن اجازت نامہ منسوخ ہوگیا، تو اب رقم کیسے واپس ملے گی۔

وزارت نے ماتحت میڈیا سینٹر کے سوشل میڈیا اکاؤنٹ سے وضاحت پیش کی کہ بنیادی طور پر منسوخ شدہ بکنگ کے پیسے ٹھیک 48 گھنٹے کے اندر اسی اکاؤنٹ میں واپس کردیے جاتے ہیں جس اکاؤنٹ سے رقم ادا کی جاتی ہے۔

یہ بھی کہا گیا کہ اگر ٹرانسپورٹ کی رقم واپس نہیں ملی تو وزارت حج و عمرہ کے ماتحت کیئر سینٹر کے ان نمبروں(920002814 اور 8004304444) پر رابطہ کیا جاسکتا ہے۔

رمضان میں عمرہ اجازت نامے کیسے جاری ہوں گے؟ سعودی حکومت کی وضاحت

خیال رہے کہ سعودی عرب میں مسجد الحرام کے اطراف ہوٹل بھی عمرہ اجازت نامے جاری کررہے ہیں۔

مسجد الحرام میں نماز اور عمرے کے اجازت ناموں سے متعلق جو شرائط جاری کی گئی ہیں وہ ہوٹلوں کی جانب سے جاری کیے جانے والے عمرہ اجازت ناموں پر بھی لاگو ہیں۔

Comments

- Advertisement -