The news is by your side.

Advertisement

پائلٹ اور فضائی میزبانوں کے تربیتی کورسز سے بڑا فیصلہ

کراچی: کرونا وائرس کے احتیاطی اقدامات کے ساتھ پائلٹ اور فضائی میزبانوں کی مدت مکمل کرنے والے کورسز کا دورانیہ بڑھا دیا گیا۔

تفصیلات کے مطابق سول ایوی ایشن اتھارٹی نے کاک پٹ اور کیبن کریو کے کورسز اور ٹریننگ کی مدت میں اضافہ کر دیا۔

پی آئی اے سمیت نجی ایئر لائنز، چارٹرڈ طیاروں کے پائلٹس اور فضائی میزبانوں کے لائسنس میں تین ماہ کی چھوٹ دے دی گئی۔

کرونا وائرس کے خطرہ کے پیش نظر فضائی آپریشن اور ٹریننگ کلاسز پہلے ہی معطل کی جا چکی ہیں تاہم پائلٹ اور فضائی میزبانوں کے لائسنز جن کی مدت ختم ہو رہی تھی اور ریفریشرز کورسز کی مدت میں بھی توسیع کر دی ہے۔

پائلٹ اور فضائی میزبانوں کی سیفٹی ایمرجنسی پروسیجر ریفریشر ویٹ ڈرل سیکیوریٹی کی مدت میں تین ماہ کی چھوٹ دی گئی ہے۔

سی اے اے کی جانب سے پائلٹس اور فضائی میزبانوں کو ٹریننگ کی مدت میں 30 جون 2020 تک کی چھوٹ دی گئی،ڈینجرز گڈز ریگولیشن،کریو ریسورس منیجمنٹ اور سیکیوریٹی منیجمنٹ سسٹم والے سرٹیفکیٹ کی مدت میں بھی 30 جون تک رعایت دی گئی ہے۔

Comments

یہ بھی پڑھیں