اسلام آباد اور پنجاب میں بلدیاتی انتخابات سے متعلق الیکشن کمیشن اجلاس کا اعلامیہ جاری کر دیا گیا۔
اعلامیہ کے مطابق اسلام آباد میں مخصوص نشستوں کی تعداد کا نوٹیفکیشن جاری کرنے کیلئے وزارت داخلہ کو خط لکھنےکا فیصلہ کیا گیا ہے۔
الیکشن کمیشن نے وزارت داخلہ کو مخصوص نشستوں سے متعلق 12 جولائی تک نوٹیفکیشن جاری کرنے کی ہدایت کی ہے۔
اعلامیہ میں کہا گیا ہے کہ انتخابی اخراجات کے حتمی رولز بھی الیکشن کمیشن کو فراہم کئے جائیں۔
اجلاس میں آئی ووٹنگ ،ای وی ایم سے متعلق ترامیم کیلئے الیکشن کمیشن نے صوبائی حکومت کوخط لکھنے کا فیصلہ بھی کیا ہے۔
صوبائی الیکشن کمیشن نے بریفنگ دیتے ہوئے کہا کہ پنجاب میں انتخابی گروپوں کی رجسٹریشن کا عمل 17 جولائی تک ہو جائے گا۔
