The news is by your side.

Advertisement

عمرہ زائرین سے متعلق اہم وضاحت

اسلام آباد: وفاقی تحقیقاتی ادارے (ایف آئی اے) نے امیگریشن حکام کو خط لکھ کر واضح کیا ہے کہ محرم یا اہل خانہ کے ساتھ 40 سال سے کم عمر افراد کو عمرے پر جانے کی اجازت ہوگی۔

تفصیلات کے مطابق 40 سال سے کم عمر افراد کے تنہا عمرے پر جانے کی پابندی کے باوجود کلیئرنس ملنے کا انکشاف ہوا ہے ، یہ انکشاف ڈپٹی ڈائریکٹر امیگریشن اسلام آباد کی جانب سے لکھے گئے خط میں کیا گیاہے۔

خط کی کاپی اے آروائی نیوز نےحاصل کرلی ہے ، یہ خط اسلام آباد ایئرپورٹ امیگریشن کے تمام شفٹ انچارجز کولکھا گیا ہے۔

خط کے متن میں کہا گیا ہے کہ پالیسی کے تحت 40 سال سے کم عمر زائرین کےتنہا سعودی عرب میں داخلے پر پابندی ہے اس کے باوجود مقررہ حد سے کم عمر زائرین کے اکیلے سعودی عرب جانے کی شکایات آئی ہیں لہذا کم عمر عمرہ زائرین کی سعودیہ روانگی کی بڑھتی شکایات کی روک تھام کی جائے۔

ایف آئی اے حکام کا کہنا ہے کہ سعودی امیگریشن اتھارٹیز کی پالیسی پر عمل کیا جائے اور منظور شدہ قوانین پر سختی سے عملدرآمد کروایا جائے۔

Comments

یہ بھی پڑھیں