The news is by your side.

Advertisement

سعودی وزارت تعلیم کی والدین کے لیے اہم سہولت

ریاض: سعودی وزارت تعلیم نے نجی اسکولوں میں زائد فیسوں کی وصولی کے معاملے پر والدین کو یقین دہانی کرائی ہے کہ شکایت پر ان کا مسئلہ 5 دن کے اندر نمٹا دیا جائے گا۔

غیرملکی خبررساں ادارے کی رپورٹ کے مطابق سعودی وزارت تعلیم نے والدین کی سہولت کے لیے ویب سائٹ پر آن لائن شکایت کی جگہ بھی بنائی ہے جہاں والدین زائد فیس وصول کرنے والے نجی اسکولوں کے خلاف شکایت کا اندراج کرسکیں گے جس کے بعد اسکول انتظامیہ کے خلاف کارروائی ہوگی۔

وزارت تعلیم کا کہنا ہے کہ نجی اسکول مقررہ فیس ہی طلب کرسکتے ہیں زائد حصول پر ایکشن لیا جائے گا، وزارت تعلیم نجی اسکولوں سے متعلق فیس کی تفصیلات اپنی ویب سائٹ پر جاری کیے ہوئے ہے۔

والدین آن لائن ویب سائٹ پر آکر نجی تعلیم گیٹ کو وزٹ کریں اور’دخول ولی امر‘ کا انتخاب کریں۔ بعد ازاں تسجیل تظلم خانے کو کلک کرکے مطلوبہ معلومات کا اندراج کریں، جس پر آپ ایک نمبر بھیجا جائے گا۔ شکایت کنندہ اپنی درخواست کی پیروی اس نمبر کے ذریعے کرسکے گا۔

سعودی وزارت تعلیم نے مزید کہا ہے کہ یہ آئن لائن سہولت 24 گھنٹے مہیا کی گئی ہے۔

Comments

یہ بھی پڑھیں