چین سے کورونا ویکسین کی 5 لاکھ ڈوز موصول ہونے کے بعد حکومت نے کل جمعرات سے 50سال کی عمر کے افراد کو ویکسین لگانے کا اعلان کر دیا۔
انسداد کورونا کےلئے ویکسین کی ایک اور کھیپ پاکستان پہنچ گئی، سائنوفام کی 5لاکھ اور کینسینو بائیو کی 60 ہزار خوراکیں پاکستان پہنچی ہیں۔
معاون خصوصی صحت ڈاکٹرفیصل سلطان نے ویکسین کی نئی کھیپ موصول ہونے پر چین کی حکومت کےشکریہ ادا کرتے ہوئے کہا ہے کہ چین نےہمیشہ مشکل وقت میں پاکستان کاساتھ دیاہے۔
انہوں نے کہا کہ عوام کی زندگیوں کوبچاناہماری اولین ترجیح ہے حکومت ویکسین کی بلاتعطل فراہمی کویقینی بنا رہی ہے، حکومت عوام سےکیےوعدوں پرتیزی سےعمل کررہی ہے۔
معاون خصوصی نے کہا کہ آج اور کل پاکستان پہنچنےوالی کوروناویکسین کی تعداد10لاکھ ہو جائے گی یہ ڈوزز حکومت پاکستان کی طرف سے خریدی گئی ہیں اب تک پاکستان میں 8لاکھ ڈوزز استعمال میں لائی جاچکی ہیں۔
ڈاکٹر فیصل سلطان نے اعلان کیا کہ کل سے 50سال کی عمر کے افراد کو ویکسین لگانے کا سلسلہ شروع ہونے جا رہا ہے ملک میں بزرگ شہریوں کی ویکسی نیشن کا عمل جاری ہے۔
