The news is by your side.

Advertisement

ویکسینیشن سے متعلق پنجاب حکومت کے اہم فیصلے

صوبہ بھر میں ویکسینیشن مہم کو مزید تیز بنانے کے لیے حکومت پنجاب نے اہم فیصلے کیے ‏ہیں۔

رواں سال کے اختتام تک صوبہ بھر میں 7 کروڑ سے زائد شہریوں کو ویکسین لگانے کا فیصلہ کیا ‏گیا ہے۔

ویکسینیشن کے عمل کی موثر نگرانی کے لئے صوبائی سطح پر پروونشل ٹاسک فورس بنائی جائے ‏گی، پروونشل ٹاسک فورس کی سربراہی وزیر صحت پنجاب کریں گی۔

صوبائی ٹاسک فورس میں ایڈیشنل چیف سیکرٹری داخلہ، محکمہ پرائمری اینڈ سیکنڈری ہیلتھ کئیر ‏اور محکمہ سپیشلائزڈ ہیلتھ کئیر اینڈ میڈیکل ایجوکیشن کے سیکریٹریز شامل ہیں۔ ڈائرکٹر جنرل ‏ہیلتھ سروسز اور دیگر سینئر افسران بھی شامل ہیں۔ ‏

محکمہ صحت کے مطابق ضلعی سطح پرڈپٹی کمشنر کی سربراہی میں خصوصی ٹاسک فورس بنائی ‏گئی ہے جب کہ تحصیل کی سطح پر اسسٹنٹ کمشنران کی سربراہی میں ٹیمیں تشکیل دی گئی ‏ہیں۔

اہداف حاصل کر نے کے لئے ویکسینیشن مراکز کی تعداد اور عملہ کی تعداد میں اضافہ کیا جائے ‏گا، موثر پلاننگ سے تمام اہداف وقت پر مکمل کرنے میں مدد ملے گی۔

ویکسینیشن سینٹر بنانے، ویکسین لگانے، ڈیٹا انٹری، ویکسین اسٹوریج ہر طرح کی اہم ضروریات کو ‏مدنظر رکھ موثر پلاننگ کی گئی ہے، تربیت یافتہ عملہ ویکسینیشن سنٹرز پر رکھا جائے گا۔

Comments

یہ بھی پڑھیں