site
stats
کھیل

پاکستان کپ : فائنل کی دوڑ کے لئے اہم معرکہ جاری

فیصل آباد : (اسٹاف رپورٹر ) پاکستان کپ میں آج سندھ اور خیبرپختونخوا کی ٹیموں کے فائنل تک رسائی کے لئے اہم معرکہ جاری ہے ۔ آج جیتنے والی ٹیم باآسانی فائنل تک رسائی حاصل کر لے گی ۔

مجموعی طور پر اب تک سندھ ٹیم چار پوائنٹس کے ساتھ سر فہرست ہے ۔ سندھ نے کھیلے جانے والے تمام میچز میں فتح حاصل کی ہے ۔جس میں خرم منظور کی کارکردگی قابل تحسین رہی ہے ۔ جبکہ خیبرپختونخوا کی ٹیم بھی چار پوائنٹس کے ساتھ دوسرے نمبر پر ہے ۔

خیبرپختونخوا کے کپتان یونس خان کی جانب سے ایمپائر کے متنازعہ فیصلے  پر ٹورنامنٹ کا بائیکاٹ کرنے کے بعد  احمد شہزاد کو ٹیم میں بطور کپتان مقرر کردیا گیا ہے۔

سندھ کے اسکواڈ میں سرفراز احمد (کپتان ) انور علی ، بلال آصف ،فواد عالم ،حسن خان ،حسن محسن ،عماد وسیم ،خالد لطیف ،خرم منظور ، محمد عامر ،محمد وقاص ،رومان رئیس ،سعد علی ،سمیع اسلم ،شعیب مقصود اور سہیل خان شامل ہیں ۔

خیبرپختونخوا اسکواڈ میں احمد شہزاد (کپتان ) ،عزیز اللہ ،بسم اللہ خان ، فہیم اشرف ،فخر زمان ، حیات اللہ ، محمد اصغر ،مصدق احمد ،نوید یاسین ،راحت علی ،رمیز عزیز، صدف مہدی ،سمعین گل ، یاسر شاہ ،یونس خان ، ضیا ء الحق اور زوہیب خان شامل ہیں ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top