آرمی چیف جنرل قمر جاوید باجوہ اور ان کے اہل خانہ کی ٹیکس معلومات لیک ہونے کی تحقیقات کے لیے فیڈرل بورڈ آف ریونیو (ایف بی آر) میں اہم اجلاس ہوا۔
ذرائع کے مطابق وزیر اعظم کے معاون خصوصی برائے محصولات طارق پاشا کی زیرِ صدارت اجلاس میں چیئرمین ایف بی آر عاصم احمد شریک ہوئے۔
اجلاس میں آرمی چیف کی فیملی کے ٹیکس تفصیلات لیک ہونے پر چیئرمین ایف بی آر، چیئرمین پرال اور ممبر آئی ٹی کی جانب سے بریفنگ دی گئی۔
آرمی چیف جنرل قمر جاوید باجوہ کی فیملی کی ٹیکس تفصیلات لیک ہونے کی رپورٹ وزیر خزانہ اسحاق ڈار کو پیش کی جائے گی۔
وزیر خزانہ کا آرمی چیف، انکے اہلخانہ کی ٹیکس تفصیلات لیک ہونے کا سخت نوٹس#ARYNews pic.twitter.com/YfBVeqDMxs
— ARY NEWS (@ARYNEWSOFFICIAL) November 21, 2022
یاد رہے کہ وزیر خزانہ اسحاق ڈار نے آرمی چیف جنرل قمر جاوید باجوہ اور ان کے اہلخانہ کی ٹیکس تفصیلات لیک ہونے کا نوٹس لیتے ہوئے تحقیقات کا حکم دیا تھا۔
وزیر خزانہ اسحاق ڈار نے معاون خصوصی محصولات طارق پاشا سے اس متعلق 24 گھنٹے میں رپورٹ طلب کی تھی۔
وزارت خزانہ کی جانب سے جاری کردہ اعلامیہ میں کہا گیا تھا کہ کسی کی بھی ٹیکس تفصیلات خفیہ ہوتی ہیں، ٹیکس تفصیلات عام کرنا خفیہ ایکٹ کی خلاف ورزی ہے۔
