The news is by your side.

Advertisement

6 ماہ سے زائد باہر رہنے والے غیرملکیوں کے اقامے منسوخ ہونے لگے؟

کویت سٹی: کویت حکام نے چھے ماہ سے زائد باہر رہنے والے غیرملکیوں کے اقاموں کی منسوخی کو افواہ قرار دے دیا اور کہا ایسا کوئی قانون نافذ نہیں کیا گیا ہے۔

کویتی ریزیڈنسی افیئر ڈیپارٹمنٹ نے واضح کردیا کہ کویت سے باہر موجود غیرملکیوں کے اقامے منسوخ نہیں ہوں گے اور اقاموں کی آن لائن تجدید کا عمل بھی جاری رہے گا، کویت سے باہر رہنے والوں کے لیے رہائشی اجازت نامے(اقامہ) کی تجدید کو روکنے کے حوالے سے کوئی نیا قانون نہیں ہے۔

ڈیپارٹمنٹ نے بتایا کہ باہر موجود تارکین وطن کی تجدید ہوتی رہے گی لیکن اس کے لیے لازم ہے پاسپورٹ کی معیاد باقی رہے بصورت دیگر یہ عمل طے نہیں پائے گا۔

متعلقہ ادارے کے مطابق 6 ماہ سے زیادہ کویت سے باہر رہنے والوں کے بارے میں افواہیں پھیل رہی ہیں جس پر وزارت داخلہ نے کہا ہے کہ 6 ماہ سے زیادہ کویت سے باہر رہنے والوں کے اقامہ منسوخ نہیں کررہے۔

یہ بھی کہا گیا کہ جو لوگ کویت سے باہر ہیں ان میں سے اکثر آرٹیکل 22 (فیملی ویزا) کے حامل ہیں اور ان میں سے زیادہ تر اسپانسرز کے تحت رجسٹرڈ ہیں۔

کویتی ریزیڈنسی افیئر ڈیپارٹمنٹ کا مزید کہنا تھا کہ اگر کسی قسم کے قانون کا نفاذ ہوگا بھی تو پہلے وقت دیا جائے گا۔

Comments

یہ بھی پڑھیں