The news is by your side.

Advertisement

افغانستان میں پھنسے پاکستانیوں کو قومی ایئرلائن کے ذریعے وطن واپس لانے سے متعلق اہم خبر

کراچی: قومی ایئرلائن(پی آئی اے) کا افغانستان میں پھنسے پاکستانیوں کو وطن واپس لانے کا مشن جاری ہے، متعلقہ انتظامیہ نے ہر ممکن تعاون کی یقین دہانی کرائی ہے۔

پاکستانی انٹرنیشنل ایئرلائن کے چیف ایگزیٹو آفیسر(سی ای او) ارشد ملک کا کہنا ہے کہ وزرات خارجہ اور افغانستان میں پاکستانی سفیر مکمل تعاون کر رہے ہیں، اپنے شہریوں کی مدد کے لیے کوئی کسر نہیں چھوڑیں گی۔

انہوں نے سماجی رابطے کی سائٹ ٹوئٹر پر ٹوئٹ کیا کہ پی آئی اے کا عملہ اس مشن میں سب سے آگے ہے، قومی ایئرلائن کا عملہ میرا ہیرو ہے۔

خیال رہے کہ گزشتہ روز طالبان کے دارالحکومت میں داخلے کے بعد غیریقینی کی صورت حال کے پیش نظر کابل انتظامیہ نے ‏پی آئی اے حکام کو خصوصی پروازوں کی اجازت دی تھی۔

افغانستان کی موجودہ صورتحال پر سعودی عرب کا بڑا اقدام

طالبان نے مستقبل کا لائحہ عمل بتا دیا

افغان ‏حکام نے خط میں پی آئی اے کو زیادہ گنجائش والے طیاروں کو بھیجنے کا کہا تھا۔ خط کے مطابق حالیہ دنوں میں افغانستان میں سیکیورٹی صورتحال تیزی سےخراب ہوئی ہے ‏غیرمتوقع تبدیلی کےباعث سیکڑوں پاکستانی شہری کابل میں پھنسے ہوئے ہیں۔

Comments

یہ بھی پڑھیں