The news is by your side.

Advertisement

پاکستانیوں کیلیے یو اے ای ویزوں سے متعلق اہم خبر

ترجمان دفترخارجہ نے کہا ہے کہ وزیرخارجہ نےحالیہ دورہ یو اے ای میں ویزہ پابندیوں کا معاملہ اٹھایا جس میں حکام نے یقینی دہانی کرائی کہ ویزہ پابندیاں عارضی ہیں،کورونا پھیلاؤ کے باعث عائدکی گئی ہیں۔

ترجمان دفتر خارجہ سے جاری بیان میں کہا گیا ہے کہ وزیرخارجہ شاہ محمود قریشی نے پاکستانی کمیونٹی کی بہبود کے معاملات پر بھی یو اے ای حکام سے بات کی، یواےای کے وزیرخارجہ نے 15لاکھ پاکستانی کمیونٹی کی خدمات کو سراہا ہے۔

سرکاری ٹی وی کے سوشل میڈیا پر جاری بیان میں وزیرخارجہ متحدہ عرب امارات شیخ عبدالله بن زید النیہان نے کہا کہ متحدہ عرب امارات پندرہ لاکھ پاکستانیوں کا دوسرا گھر ہے۔

وزیر خارجہ نے کہا کہ یو اے ای اور پاکستان کے مابین گہرے دوطرفہ تعلقات ہیں اور ان میں مزید وسعت کی گنجائش ہے کرونا کی وجہ سے ویزوں کے اجراء میں پابندیاں عارضی ہیں۔

واضح رہے کہ وفاقی وزیر خارجہ شاہ محمود قریشی نے متحدہ عرب امارات کے وزیر خارجہ عبداللہ بن زید سے ملاقات کی تھی۔

وزیر خارجہ کا کہنا تھا کہ ملاقات میں مقبوضہ کشمیر کے حالات زیر غور آئے جبکہ جنوبی ایشیا کی صورتحال پر اور افغان امن عم پر بھی تبادلہ خیال کیا گیا۔

شاہ محمود قریشی نے کہا کہ ملاقات کے دوران جنوبی ایشیا کی صورتحال اور افغان امن عمل پر بھی تبادلہ خیال کیا گیا جب کہ متحدہ عرب امارات میں موجود 16 لاکھ پاکستانیوں کی فلاح و بہبود سے متعلق امور پر گفتگو ہوئی۔

Comments

یہ بھی پڑھیں