امریکا اپنی قومی سلامتی کا تحفظ کرتے ہوئے سیاحتی ویزوں کے لیے کیے جانے والے انٹرویوز کے انتظار میں بیٹھے لوگوں کے لیے انٹرویو کی شرط سے چُھوٹ کی اہلیت میں توسیع کررہا ہے۔
میڈیا رپورٹ کے مطابق اگر آپ آنے والے ایک یا دو سالوں میں سیاحتی ویزے پر امریکا جانے کا پروگرام بنا رہے ہیں تو محکمہ خارجہ کا آپ کے لیے مشورہ ہے کہ پیشگی منصوبہ بندی کریں تاکہ آپ کے پاس انٹرویو کے لیے معقول وقت ہو۔
محکمہ خارجہ کا کہنا ہے امریکا کے بی ون بی ٹو سیاحتی اور کاروباری ویزوں کی تجدید کے لیے پاکستانیوں کی اہلیت میں مزید توسیع کر دی گئی ہے۔ ہر عمر کے لوگ جن کے پاس امریکا کا بی ون بی ٹو ویزا موجود ہے وہ پروگرام سے فایدہ اٹھا سکتے ہیں ۔
محکمہ خارجہ کے مطابق سیاحتی ویزے (بی ون/بی ٹو) کے دنیا بھر میں انتظار کا اوسط وقت کم و بیش سات ہفتے ہے، تاہم فوری طور پر سفری ضروریات کے حامل درخواست دہندگان جو مخصوص معیارات پر پورے اترتے ہوں تو وہ ایمرجنسی اپائنٹمنٹ کے لیے دراخواستیں دے سکتے ہیں جس کے لیے عام طور پر چند دنوں میں وقت مل جاتا ہے۔
مالی سالی 2022 میں جاری کیے جانے والے 7 ملین نان امیگرنٹ ویزوں میں سے نصف ویزے بالمشافہ انٹرویوز کے بغیر جاری کیے گئے۔ اگر آپ یہ جاننا چاہتے ہیں کہ آیا آپ اس کے اہل ہیں یا نہیں تو اپنے قریب ترین امریکی سفارت خانے کی اِس ویب سائٹ https://www.usembassy.gov/ کو وزٹ کریں۔
ترجمان کا کہنا ہے کہ اسٹوڈنٹ ویزا اور پٹیشن کی بنیاد پر کام کا ویزا کےایسے درخواست گزارجن کے پاس پہلے امریکی ویزا موجود تھا وہ بھی ویزا انٹرویوسے استثنا کے اہل ہونگے ۔ ویزا انٹرویو سے استثنا میں توسیع کی مذکورہ انتظامی تبدیلی کا مقصد صارفین کے لیے خدمات کی فراہمی میں بہتری ہے ۔
