The news is by your side.

Advertisement

دورہ انگلینڈ، محمد عامر سے متعلق بڑی خبر آگئی

لاہور: قومی کرکٹ ٹیم کے فاسٹ بولر محمد عامر کو انگلینڈ کے خلاف سیریز کے لیے ٹیم میں شامل کرلیا گیا، برطانیہ روانگی سے متعلق حتمی تاریخ کا اعلان جلد کیا جائے گا۔

تفصیلات کے مطابق پاکستان کرکٹ بورڈ(پی سی بی) نے دورہ انگلینڈ کے لیے حارث رؤف کی جگہ محمد عامر کو قومی ٹیم کے اسکواڈ کا حصہ بنا دیا ہے۔

چیف سلیکٹر وہیڈکوچ مصباح الحق کا کہنا ہے کہ دورہ انگلینڈ کے لیے حارث رؤف کی جگہ محمد عامر کو اسکواڈ میں شامل کیا گیا ہے، محمدعامر کا پہلا کرونا ٹیسٹ لے لیا گیا جبکہ دوسرا ٹیسٹ بدھ کو ہوگا۔

انہوں نے بتایا کہ دو ٹیسٹ منفی آنے پر محمد عامر انگلینڈ جائیں گے، ٹیسٹ اور ٹی 20میں وہ کافی تجربہ رکھتے ہیں، کپتان سے مشاورت کے بعد محمدعامر کو اسکواڈ کا حصہ بنارہے ہیں۔

ذرائع نے آج صبح بتایا تھا کہ چیف سلیکٹروہیڈکوچ مصباح الحق نے محمدعامر سے رابطہ  کیا اور دورہ سے متعلق بات چیت بھی کی، شمولیت کی صورت میں فاسٹ بولر طریقہ کار کے مطابق انگلینڈ روانہ ہوں گے۔

فاسٹ بولر محمد عامر کے گھر ننھی پری کی آمد

خیال رہے کہ کرکٹر نے بیٹی کی ولادت کے باعث انگلینڈ جانے سے معذرت کی تھی۔  16 جولائی کو قومی کرکٹ ٹیم کے فاسٹ بولر محمد عامر کے گھر دوسری بیٹی کی پیدائش ہوئی تھی جس کی اطلاع انہوں نے سماجی رابطے کی ویب سائٹ ٹویٹر پر دی تھی۔

محمد عامر نے بیٹی کی پیدائش پر رب کا شکر ادا کیا اور ننھی پری کی خوبصورت تصویر بھی شیئر کی تھی۔ انہوں نے بتایا تھا کہ انہوں نے بیٹی کا نام ’’زویا عامر‘‘ رکھا ہے۔

Comments

یہ بھی پڑھیں