The news is by your side.

Advertisement

پی ٹی آئی کے لاہور جلسے سے متعلق اہم خبر آگئی

پاکستان تحریک انصاف کو مینار پاکستان لاہور میں جلسے کی اجازت مل گئی ہے ضلعی انتظامیہ نے انٹیلیجنس بیورو رپورٹ کی روشنی میں یہ اجازت دی۔

اے آر وائی نیوز کے مطابق پاکستان تحریک انصاف کو 21 اپریل کو مینار پاکستان لاہور میں جلسے کی اجازت مل گئی ہے پی ٹی آئی رہنما شفقت محمود کی قیادت میں وفد نے اجازت کیلیے ڈی سی لاہور سے ملاقات کی جس کے بعد ضلعی انتظامیہ نے انٹیلی جنس بیورو رپورٹ کی روشنی میں جلسے کی اجازت دی۔

جلسے کی اجازت ملنے کے ساتھ ہی پی ٹی آئی نے مینار پاکستان جلسے کے لیے کمیٹیاں تشکیل دے دی ہیں۔

جلسے کیلیے فنانس کمیٹی کی ذمے داری محمودالرشید، یاسمین راشد ، طارق حمید کو دی گئی ہے جب کہ گلریزاقبال کی سربراہی میں 24 رکنی یوتھ موبلائزیشن کمیٹی تشکیل دی گئی ہے۔

جلسے کی اندرونی سیکیورٹی انتظامات کیلیے 19ارکان پرمشتمل سیکیورٹی کمیٹی بھی تشکیل دی گئی جب کہ زبیر نیازی کی سربراہی میں6 افراد پرمشتمل ایڈمنسٹریٹشن کمیٹی کا قیام بھی عمل میں لایا گیا ہے۔

واضح رہے کہ پاکستان تحریک انصاف کے چیئرمین نے اپنی حکومت کے خاتمے کے بعد سے نئے اور فوری انتخابات کے مطالبے کے ساتھ سڑکوں پر ہیں۔

ایک ہفتے کے دوران پی ٹی آئی پشاور اور کراچی میں بڑے عوامی جلسے کرچکی ہے۔

Comments

یہ بھی پڑھیں