The news is by your side.

Advertisement

سعودی عرب سے اہم خبر آگئی

ریاض: سعودی عرب میں سرمایہ کاری کے لیے لائسنس دگنے ہوگئے ہیں۔

عرب میڈیا کی رپورٹ کے مطابق سعودی وزارت سرمایہ کاری نے بتایا کہ گزشتہ سال کی پہلی ششماہی کے مقابلے میں 2021 کی پہلی ششماہی کے دوران سرمایہ کاری کے لائسنس دگنے ہوئے۔

وزارت سرمایہ کاری کا کہنا ہے کہ جون 2021 کے آخر میں لائسنسوں کی مجموعی تعداد 1054 تک پہنچ گئی۔

یہ بھی کہا گیا کہ گزشتہ برس کی پہلی ششماہی کے مقابلے میں لائسنسوں کی 108 فیصد تعداد بڑھ گئی ہے، ماضی کے مقابلے میں زیادہ تعداد میں لائسنس کا اجرا ہوا ہے۔

سعودیوں اور غیرملکی سرمایہ کاروں کے مشترکہ منصوبوں کے لائسنس 2020 کی پہلی ششماہی میں کل لائسنس کے 27 فیصد ہوگئے ہیں۔ سال رواں کی پہہلی ششماہی کے دوران ان کا تناسب 45 فیصد تک پہنچ گیا۔

سعودی وزارت سرمایہ کاری کا مزید کہنا تھا کہ سال رواں کی دوسری سہ ماہی کے دوران پہلی سہ ماہی کے مقابلے میں 21 فیصد بہتری ریکارڈ کی گئی ہے۔

Comments

یہ بھی پڑھیں