The news is by your side.

Advertisement

زیرحراست ارکان اسمبلی سے متعلق الیکشن کمیشن کا اہم حکم

الیکشن کمیشن آف پاکستان نے سینیٹ الیکشن کے سلسلے میں زیرِحراست ارکان اسمبلی کے ‏پروڈکشن آرڈر جاری کر دیے۔

الیکشن کمیشن نے چئیرمین نیب، چیف سیکریٹری پنجاب اور سندھ کو زیرحراست ارکان اسمبلی ‏کے سینیٹ الیکشن میں موجودگی کو یقینی بنانے کا حکم دے دیا۔ ‏

الیکشن کمیشن نے ہدایات جاری کی ہیں کہ شہبازشریف، خورشیدشاہ اور خواجہ آصف سمیت تمام ‏قید رہنماؤں کی پولنگ اسٹیشن پر موجودگی کو یقینی بنایا جائے۔

الیکشن کمیشن نے ہدایات میں کہا ہے کہ ممبران قومی و صوبائی اسمبلی کی پولنگ اسٹیشن ‏موجودگی کویقینی بنائیں، 3مارچ کوحمزہ شہبازشریف کی پولنگ اسٹیشن موجودگی کویقینی ‏بنایاجائے۔

واضح رہے کہ شہبازشریف، حمزہ شہباز،علی وزیر، خورشید شاہ، خواجہ آصف نیب کی کسٹڈی میں ‏ہیں۔

علاوہ ازیں سینیٹ انتخاب میں 9 اراکین قومی وصوبائی اسمبلی ووٹ نہیں ڈال سکیں گے،الیکشن ‏کمیشن نے مالی گوشوارے جمع نہ کرانے پر 9پارلیمنٹرین کی رکنیت معطل کی ہوئی ہے۔

Comments

یہ بھی پڑھیں