The news is by your side.

Advertisement

خیبرپختونخوا: اغوا برائے تاوان کا ملزم گرفتار، مغوی بازیاب

پشاور: خیبرپختونخوا میں پولیس نے اہم کارروائی کرتے ہوئے اغوا برائے تاوان کا ملزم گرفتار کرکے مغوی بازیاب کرالیا۔

اے آر وائی نیوز کے مطابق پولیس کی جانب سے یہ کارروائی پشاور میں کی گئی۔ پولیس کا کہنا ہے کہ دوسری جماعت کے طالب علم کاشان کو گھر کے باہر سے اغوا کیا گیا تھا۔

ملزم حسنین نے 7سالہ بچے کی رہائی کے لیے چچا سے 7لاکھ روپے تاوان بھی مانگا تھا۔

پولیس نے فون کال ٹریس کرکے کارروائی کی اور بچے کو بازیاب کرا لیا۔ بچے کے اغوا میں ملوث 2مرد اور 4خواتین گرفتار ہوئے، متعلقہ اداروں نے دیگر قانونی کارروائیاں تیز کردی ہیں۔

خیال رہے کہ گزشتہ سال فروری میں کراچی کے علاقے شرافی گوٹھ پولیس نے کارروائی کرتے ہوئے محمود آباد سے اغوا کیے گئے بچے کو بازیاب کرایا تھا۔ ملک میں بچوں کے اغوا کے واقعات میں دن بہ دن اضافہ دیکھنے میں آرہا ہے۔

کراچی: شرافی گوٹھ پولیس نے محمود آباد سے اغوا کیا گیا بچہ بازیاب کرا لیا

یاد رہے کہ گزشتہ سال سندھ حکومت نے بچوں کے خلاف مختلف جرائم جیسے اغوا، گم شدگی اور زیادتی کے بڑھتے واقعات کے پیشِ نظر چائلڈ ہیلپ لائن 1121 قائم کی، محکمہ سماجی بہبود کے تحت قائم کردہ ہیلپ لائن 24 گھنٹے کام کرے گی جس میں بچوں سے متعلق مختلف شکایات لی جائیں گی، ہیلپ لائن کا مرکزی دفتر کراچی میں ہوگا۔

fb-share-icon0
Tweet 20

Comments

comments

یہ بھی پڑھیں