تہران (18 اگست 2026): ایران کے ہاتھ امریکا کا ایک ایسا ہتھیار لگ گیا ہے جس سے وہ دشمن کی ٹینکالوجی سمجھ سکتا ہے۔
غیر ملکی میڈیا کے مطابق ایران کو جنگ کے دوران مار گرائے جانے والے امریکی ایف 15 طیاروں کے ملبے سے ’’جی اے یو 5 اے‘‘ ہتھیار مل گیا ہے۔
امریکا نے یہ ہتھیار جہاز کے پائلٹ کو جنگ کے انتہائی نازک لمحات میں دشمن کے علاقے میں زندہ رہنے کے لیے تیار کیا تھا۔
رپورٹ کے مطابق یہ اسلحہ امریکی پائلٹ کے ہاتھ لگنے کے بجائے طیارے کے ملبے سے ایران کے قبضے میں آ گیا۔ مال غنیمت میں ملنے والا یہ ہتھیار دشمن کی ٹیکنالوجی کو سمجھنے کا اہم ذریعہ بن سکتا ہے۔
دریں اثنا ایرانی وزیر خارجہ عباس عراقچی نے کہا ہے کہ امریکا کا ایران سے غیر مشروط ہتھیار ڈالنے کا خواب کبھی پورا نہیں ہوگا۔
عباس عراقچی نے کہا کہ ایران نے جنگ اور سفارت کاری دونوں محاذوں پر کامیابی حاصل کر لی ہے۔ ایرانی قوم نے دنیا کی بظاہر سب سے بڑی فوج کا مقابلہ کیا اور جنگ مسلط کرنے والوں کو جلد ہی مذاکرات کیلیے منت سماجت کرنا پڑی۔
