The news is by your side.

Advertisement

نسیم شاہ سے متعلق وقار یونس کا اہم بیان

ساؤتھمپٹن: قومی ٹیم کے بولنگ کوچ وقار یونس نے انگلینڈ سے پہلے ٹیسٹ کی شکست کو بڑا دھچکا قرار دیتے ہوئے کہا ہے کہ نسیم شاہ نے اتنی اچھی بولنگ نہیں کی جس کی توقع تھی۔

انگلینڈ کے خلاف دوسرے ٹیسٹ سے قبل ساؤتھمپٹن میں ویڈیو لنک پر نیوز کانفرنس کرتے ہوئے وقار یونس نے کہا کہ انگلینڈ سے ٹیسٹ میچ میں شکست کڑوا گھونٹ تھا ہم نے زیادہ سیشن جیتے تھے مگر شکست سے دھچکا لگا۔

وقار یونس نے کہا کہ نسیم شاہ بہت ہنرمند بولر ہے لیکن نسیم شاہ نے اتنی اچھی بولنگ نہیں کی جس کی توقع تھی۔

دنیا کے نمبر ون ٹیسٹ آل راؤنڈر بین اسٹوکس کے سیریز سے دستبردار ہونے پر ردعمل دیتے ہوئے بولنگ کوچ نے کہا کہ اسٹوکس نہ ہوناکوئی بڑافائدہ نہیں، اسٹوکس کے خلاف ہماراپلان کامیاب ہے۔

ان کا کہنا تھا کہ یاسر شاہ میچ وننگ بولر ہے فہیم میں ٹیلنٹ ہے، وہ ٹیسٹ میں آگے نہیں بڑھ سکا جب کہ حتمی ٹیم کے بارے میں فیصلہ نہیں کیا۔

اظہر علی کی کپتانی سے متعلق سوال پر وقار یونس کا کہنا تھا کہ کپتانی اور اوپر کے نمبروں پر کھیلنا آسان نہیں جب رنز نہ بنیں تو دماغ میں منفی چیزیں آتی ہیں اظہر سینئرکھلاڑی ہے اسے پتہ ہے اب کیا کرنا ہوگا۔

Comments

یہ بھی پڑھیں