The news is by your side.

Advertisement

اقوام متحدہ کشمیریوں پربھارتی فوج کے مظالم کا نوٹس لے، وزیراعظم عمران خان

نیو یارک : وزیراعظم عمران خان نے اقوام متحدہ کے سیکرٹری جنرل سے مطالبہ کیا ہے کہ کشمیریوں کی نسل کشی کا نوٹس لیتے ہوئے اپنا بھرپور کردار ادا کرے، وزیر اعظم دورہ امریکہ مکمل کرکے وطن واپس روانہ ہوگئے۔

تفصیلات کے مطابق یو این جنرل اسمبلی کے اجلاس سے خطاب کے بعد وزیراعظم عمران خان نے سیکرٹری جنرل اقوام متحدہ انتونیو گوتریز سے ملاقات کی۔

دونوں رہنماؤں نے مختلف امور پر تبادلہ خیال کیا، اس موقع پر گفتگو کرتے ہوئے وزیراعظم نے کہا کہ کشمیرکی صورتحال دن بدن بدتر ہوتی جارہی ہے۔

مظلوم کشمیری53دن سے بھارتی فوج محاصرے میں ہیں، وادی میں کرفیو ہٹنے کے بعد بدترین خونریزی کا خدشہ ہے، انہوں نے مزید کہا کہ کشمیریوں کو بنیادی سہولتوں سے محروم کردیا گیا ہے۔

اقوام متحدہ کو کشمیریوں پر مظالم کا فوری نوٹس لینا چاہیے، اور کشمیریوں کی نسل کشی کا نوٹس لیتے ہوئے اپنا بھرپور کردار ادا کرے۔

یاد رہے کہ وزیراعظم عمران خان کا7روزہ دورہ امریکا (مشن کشمیر) کامیابی سے مکمل ہوگیا ہے، وزیراعظم عمران خان کچھ دیر بعد وطن واپسی کیلئے ایئرپورٹ کی جانب روانہ ہوں گے۔

Comments

comments

یہ بھی پڑھیں