The news is by your side.

Advertisement

لندن : عمران خان نے آف شور کمپنی بنانےکی تصدیق کردی

لندن : تحریک انصاف کے چئیرمین عمران خان نے اپنی پارٹی کی طرف سے انکار کے بعد،خود آف شورکمپنی بنانے کا اعتراف کر لیا.

تفصیلات کے مطابق تحریک انصاف کے چئیرمین عمران خان کی جانب سے جمعہ کے روز اپنی آف شور کمپنی بنانے کا اعتراف کرلیاگیا.عمران خان کا کہنا تھاکہ انہوں نے برطانوی ٹیکس سے بچنے کے لیے1983 میں آف شور کمپنی بنائی.

عمران خان نے صحافیوں سے بات چیت کرتے ہوئے بتایا کہ وہ برطانوی شہری نہیں تھے اور پہلے ہی اپنی آمدنی کا 35 فیصد ٹیکس ادا کر رہے تھے،تحریک انصاف کے چئیرمین کا کہنا تھا کہ مزید ٹیکس سے بچنے کے لیے آف شور کمپنی بنائی جس کے ذریعے لندن میں فلیٹ خریداگیا.

انہوں نےصحافیوں کو بتایا کہ وہ 2003 میں ہی اپنا فلیٹ فروخت کرچکے ہیں،اور ان کےتمام اثاثے انہوں نےظاہر کیئے ہوئے ہیں.

ان کا کہنا تھاکہ بیرون ملک بغیر بتائے رقم منتقل کرنا قانونی جرم ہے اور قومی احتساب بیورو کی ذمہ داری ہے کہ وہ ان لوگوں کے خلاف تحقیقات کرے جنہوں نے عوام کی دولت ملک سے باہر بھیجی.

لندن میں پاکستان تحریک انصاف کے سربراہ کے انکشاف کے بعد،ایک ٹویٹ میں مریم نواز نے عمران خان پر تنقید کی اور کہا کہ انہیں پاکستان میں آف شور کمپنیوں کا آغاز کرنے کا اعزاز حاصل ہے.

Comments

comments

یہ بھی پڑھیں