site
stats
اہم ترین

عمران فاروق قتل کیس کے ملزمان کا مزید 7روزہ ریمانڈ

کراچی: عمران فاروق قتل کیس کے ملزمان محسن علی، معظم علی اور خالد شمیم کا مزید سات روزہ جسمانی ریمانڈ دیدیا گیا۔

عمران فاروق قتل کیس کی سماعت میں ملزمان محسن علی، معظم علی اور خالد شمیم ریمانڈ ختم ہونے پر عدالت میں پیش ہوئے ملزم خالد شمیم کے وکیل شاہد کمال کا کہنا تھا کہ ملزمان کے خلاف انسداد دہشت گردی ایکٹ کے تحت مقدمہ درج ہے، اے ٹی سی اس سے قبل دو دفعہ ملزمان کا جسمانی ریمانڈ دے چکی ہے، ڈیوٹی جج حیدر شاہ کو مزید ریمانڈ دینے کا کوئی اختیار نہیں ہے۔

سماعت کے دوران ملزم محسن علی کے نئے وکیل نے عدالت سے ریکارڈ دینے کی استدعا کی، محسن علی نے عدالت کو بتایا کہ اس کی تاحال وکلاء اور خاندان سے ملاقات نہیں کرائی گئی۔

خالد شمیم کا کہنا تھا کہ وہ اس کیس کے حوالے سے بیان حلفی دینا چاہتا ہے،ایف آئی اے کے پراسکیوٹر نے بتایا کہ لندن سے پوسٹ مارٹم اور فنگر پرنٹس رپورٹس مانگی ہیں، جس پر عدالت نے ملزموں کا سات روزہ جسمانی ریمانڈ منظور کرلیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top