The news is by your side.

Advertisement

عمران فاروق قتل کیس، محمد انور کے وارنٹ گرفتاری جاری

اسلام آباد : ایف آئی اے نے عمران فاروق قتل کیس میں ایم کیو ایم لندن کے مرکزی رہنما محمد انور کے وارنٹ جا ری کر دیئے، سی ٹی ڈی نے قتل میں نامزد ملزم افتخار حسین اور کاشف کامران کی گرفتاری کے لئے بھی وارنٹ جاری کردیئے ہیں۔

تفصیلات کے مطابق عمران فاروق قتل کیس میں اہم پیشرفت ہوئی، ایم کیو ایم لندن کے مرکزی رہنما محمد انور کے وارنٹ گرفتاری جاری کردیئے ہیں، ایف آئی اے کے کاؤنٹر ٹیررازم ڈیپارٹمنٹ نے محمد انور سمیت نامزد ملزم افتخار حسین اور کاشف کامران کی گرفتاری کیلئے وارنٹ نکال دیئے۔

کیس میں نامزد ملزمان محسن علی، معظم علی اورخالد شمیم پاکستانی جیل میں قید ہیں۔

دوسری جانب برطانیہ اور پاکستان میں قتل کیس کی تحقیقات جاری ہے، اسکاٹ لینڈ یارڈ نے پاکستانی حکام کی مدد سے ملزمان کے ڈی این اے اور فنگرپرنٹس حاصل کیے، جو حاصل ہونے والے ثبوتوں سے میچ بھی کرچکے ہیں۔


مزید پڑھیں : عمران فاروق قتل کیس، محسن علی کے فنگر پرنٹس میچ کرگئے


یاد رہے کہ ایم کیوایم کے سینئر رہنما عمران فاروق کو سولہ ستمبر دو ہزار دس کو لندن میں گرین لین کے علاقے میں اس وقت قتل کیا گیا تھا جب وہ اپنے کام سے واپس گھر کی طرف لوٹ رہے تھے۔

Print Friendly, PDF & Email

Comments

comments

یہ بھی پڑھیں