The news is by your side.

Advertisement

وزیر اعظم گرین لائن منصوبے کا افتتاح کریں گے: گورنر سندھ

کراچی: گورنر سندھ عمران اسماعیل کا کہنا ہے کہ گرین لائن منصوبے کو کراچی کی محبت میں پورا کیا گیا، وزیر اعظم عمران خان گرین لائن منصوبے کا افتتاح کریں گے۔

تفصیلات کے مطابق گورنر سندھ عمران اسماعیل نے پریس کانفرنس کرتے ہوئے کہا کہ وزیر اعظم کی ہدایت پر منصوبوں کا معائنہ کرنے آیا ہوں، منصوبوں کی تفصیلات سے وزیر اعظم کو آگاہ کروں گا۔ 7 فروری کو اس منصوبے کا افتتاح کرنے کے قابل ہوں گے۔

گورنر سندھ کا کہنا تھا کہ وزیر اعظم پاکستان کو سندھ سے خصوصی محبت ہے، واحد صوبہ ہے جہاں سندھ حکومت کی معاونت کے بغیر ہیلتھ کارڈ دیے گئے۔ گرین لائن کے انفرا اسٹرکچر کا کام وفاق کے ذمے تھا۔

انہوں نے کہا کہ وزیر اعظم گرین لائن منصوبے کا افتتاح کریں گے، گرین لائن منصوبے کو کراچی کی محبت میں پورا کیا گیا۔ گرین لائن کے کرایے اور سبسڈیز کے فارمولے پر معاہدہ ہوگیا ہے۔ منصوبہ تاخیر کا شکار نہیں ہوا۔

گورنر سندھ کا کہنا تھا کہ اورنج لائن منصوبے پر سندھ حکومت نے رابطہ کیا کہ وفاق پورا کرے، فنڈز کی کمی کے باعث منصوبے مقررہ وقت سے پہلے ختم نہ ہوسکے۔ سندھ کے لیے بہت سارے منصوبے ہیں جن کے پی سی ون بن رہے ہیں۔

انہوں نے کہا کہ 8 ارب روپے انفرا اسٹرکچر ڈیولپمنٹ کو مل چکے ہیں، گرین لائن منصوبے میں معذور افراد کا بھی خیال رکھا گیا ہے۔ وفاق اور صوبے میں رابطے ہوں گے تو منصوبوں میں تاخیر بھی کم ہوگی۔

Comments

یہ بھی پڑھیں