پاکستان تحریک انصاف کے رہنما اور سابق گورنر سندھ عمران اسماعیل کا کہنا ہے کہ موجودہ حکومت کو کوئی رعایت نہیں ملے گی۔
اے آر وائی نیوز کے مطابق پی ٹی آئی رہنما اور سابق گورنر سندھ عمران اسماعیل نے موجودہ سیاسی صورتحال کے حوالے سے سماجی رابطوں کی ویب سائٹ ٹوئٹر پر اظہار خیال کیا ہے۔
عمران اسماعیل نے اپنے ٹوئٹ میں کہا ہے کہ اسمبلیوں سے استعفے دینے کے اعلان کے بعد سے حکومت کی نیندیں اڑ گئی ہیں۔
یہ بھی پڑھیں: پی ٹی آئی کا اسمبلیاں تحلیل کرنے کا معاملہ، آئندہ 2 ہفتے اہم قرار
سابق گورنر سندھ نے مزید کہا کہ عمران خان کو سیاست سے آؤٹ کرنے والے اب رابطے کر رہے ہیں لیکن موجودہ حکومت کو کوئی رعایت نہیں ملے گی۔
اسمبلیوں سے استعفے دینے کے اعلان کے بعد سے کرپٹ الائنس کی حکومت کی نیندیں اڑ گئی ہیں عمران خان کو سیاست سے آوٹ کرنے کے خواب دیکھنے والے اب گوڈے پکڑنے کے لیے عمران خان سے رابطے کررہے ہیں مگر امپورٹڈ حکومت کو رعایت نہیں ملے گی
— Imran Ismail (@ImranIsmailPTI) December 1, 2022
