پی ٹی آئی رہنما عمران اسماعیل نے کہا ہے چوروں اور نا اہلوں نے پاکستان کو تباہ کرنے میں کوئی کسر نہیں چھوڑی لندن سے بڑے چور کو واپس لانا ہوگا۔
پاکستان تحریک انصاف کے مرکزی رہنما اور سابق گورنر سندھ نے ملک کی موجودہ سیاسی اور معاشی صورتحال کے حوالے سے سماجی رابطوں کی ویب سائٹ ٹوئٹر پر اظہار خیال کیا ہے۔
عمران اسماعیل نے اپنے ٹویٹ میں کہا ہے کہ 8 ماہ کی بدترین کارکردگی کے باعث ملک تاریخ کی سیاہ ترین معاشی صورتحال سے گزر رہا ہے۔
ان کا کہنا تھا کہ چوراور نا اہلوں نے پاکستان کو تباہ کرنے میں کوئی کسر نہیں چھوڑی۔ عوام فیصلہ کرچکے کہ اب حقیقی آزادی ہی واحد حل ہے۔
سابق گورنر سندھ نے کہا کہ لندن بڑے چور کو واپس لانا ہوگا، عمران خان ہی پاکستان کی امید ہیں۔
عمران اسماعیل نے اس ٹوئٹ میں موجودہ حکومت کی اب تک کی کارکردگی اور خود حاصل کردہ ریلیف کی تفصیلات سے متعلق رپورٹ کا عکس بھی شیئر کیا ہے۔
۸ ماہ کی بدترین کار کردگی کی وجہ سے ملک اس وقت تاریخ کی سیاہ ترین معاشی صورتحال سے گزر رہا ہے- چور اور نااہلوں نے 🇵🇰 کو تباہ کرنے میں کوئ کثر نہیں چھوڑی- عوام فیصلہ کر چکی ہے- حقیقی آزادی ہی واحد حل ہے- لندن سے بڑے چور کو واپس لانا ہوگا- عمران خان ہی پاکستان کی اُمید ہے pic.twitter.com/EkqR6OGZ5D
— Imran Ismail (@ImranIsmailPTI) November 18, 2022