The news is by your side.

Advertisement

عمران خان نے ہار مان لی لیکن ہم اب بھی میدان میں ہیں،بلاول بھٹو

رحیم یار خان: پیپلز پارٹی کے شریک چیئرمین بلاول بھٹو نے کہا ہے کہ عمران خان شاید ہار مان گئے ہیں لیکن پیپلز پارٹی ابھی بھی میدان میں ہے، ہم بتائیں گے کہ اصلی دھرنا کیسے دیتے ہیں، جمہوری احتساب ہوگا تو وزیراعظم پکڑے جائیں گے،2018ء میں صرف پی پی ہی جیتے گی۔

تفصیلات کے مطابق پاکستان پیپلز پارٹی کے چیر مین بلاول بھٹو زرداری جنوبی پنجاب کے دورے پر رحیم یارخان پہنچے تھے، ریلی سے خطاب کے بعد وہ ایک تقریب میں پہنچے جہاں میڈیا سے بات کرتے ہوئے انہوں نے کہا کہ پاناما لیکس ایک بڑا اسکینڈل ہے جس پر وزیراعظم جواب دہ ہیں ،جمہوری احتساب ہوگا تو وزیراعظم پکڑے جائیں گے۔

بلاول بھٹو نے کہا کہ ہم چاہتے ہیں سی پیک میں تمام صوبوں کا حصہ ہو اور چاہتے ہیں کہ وزیر خارجہ بھی کوئی پرکشش شخصیت کا مالک ہو جب کہ ملک میں فرقہ ورانہ دہشت گردی کے خاتمے کے لیے مطالبہ کرتے ہیں کہ وزیر داخلہ چوہدری نثار علی مستعفی ہوجائیں کیوں کہ وزیر داخلہ کالعدم جماعتوں کے سربراہاں سے ملاقاتیں کرتے پھرتے ہیں۔

اسی سے متعلق : ہمارے مطالبات نہ مانے گئے تو شیر کا شکار کریں، بلاول بھٹو

انہوں نے کہا کہ ہمارے چار مطالبات نہ مانے گئے تو ہم دکھائیں گے کہ اصلی دھرنا کیسے ہوتا ہے، حکومت جانتی ہے کہ ہم شکار کیسے کرتے ہیں، جب ہم شکار کرتے ہیں تو ہمارے ہاتھ میں تیر ہوتا ہے۔

 یہ بھی پڑھیں : بلاول بھٹو کی جناح اسپتال آمد، ٹرین حادثے کے زخمیوں کی عیادت

اپنی گفتگو میں چیرمین بلاول بھٹو نے کہا کہ رحیم آباد میں بلدیاتی انتخابات میں عوام نے تخت رائے ونڈ کو شکست دیتے ہوئے پی پی پی کو جیتوایا تھا اگر یہ تعاون جاری رہا تو ہم سب مل کر 2018ء میں ہونے والے عام انتخابات میں بآسانی فتح حاصل کر لیں گے۔

Print Friendly, PDF & Email

Comments

comments

یہ بھی پڑھیں