جنگلات کی تباہی سے پاکستان تباہ ہو رہا ہے، عمران خان -
The news is by your side.

Advertisement

جنگلات کی تباہی سے پاکستان تباہ ہو رہا ہے، عمران خان

کوٹ رادھا کشن: پاکستان تحریک انصاف کے چیئرمین عمران خان نے کہا ہے کہ حکومت نے جنگلات کو تباہ کردیا ہے، درخت کم ہیں، پاکستان تباہ ہو رہا ہے۔

ان خیالات کا اظہار وہ ضلع قصور کے شہر کوٹ رادھا کشن میں جلسے سے خطاب کرتے ہوئے کر رہے تھے، انھوں نے کہا پہلی بار کسی حکومت نے آنے والی نسلوں کے لیے سوچا ہے۔

عمران خان نے کہا ’جنگلات کی تباہی سے گرمی بڑھے گی، بارشیں کم ہوں گی، پانی کی قلت کا سامنا کرنا پڑے گا، کے پی حکومت نے تاریخ میں پہلی بار 1 ارب سے زائد درخت لگائے۔‘

پی ٹی آئی چیئرمین نے قصور کے کسانوں کو مخاطب کرتے ہوئے کہا کہ جب تک چھوٹے کسانوں کو اہمیت نہیں دی جائے گی غربت بڑھتی جائے گی، ہم آپ کے لیے ریسرچ سینٹر بنائیں گے، کسانوں اور کاشت کاروں کا کیس لڑیں گے۔

قبل ازیں عمران خان کوٹ رادھا کشن کے جلسے میں دیر سے پہنچے، انھوں نے دیر ہونے پر عوام سے معذرت کی اور کہا ہم کسانوں کی مدد کریں گے تاکہ وہ اپنی پیداوار سے پیسا کما سکیں۔

پی ٹی آئی کا صوابی کرکٹ اسٹیڈیم میں جلسہ، نقصان کی صورت میں 10 لاکھ روپے دینے کی یقین دہانی


ان کا کہنا تھا کہ شہروں میں پانی نہیں ملتا، کراچی اور اسلام آباد میں پانی کی قلت ہے، آئندہ سالوں میں پانی کی قلت میں مزید اضافہ ہوگا، ہم بھاشا ڈیم پر فوری طور پر کام شروع کریں گے۔

عمران خان نے کہا ’یہاں حکمران صرف یہ سوچتے ہیں کہ الیکشن کس طرح جیتنا ہے، کوئی یہ نہیں سوچتا عوام کو بنیادی سہولتیں کس طرح فراہم کریں، ہم ایسے جدید طریقے اپنائیں گے جن کی مدد سے کسان کم پانی سے بھی پیداوار بڑھاسکیں گے۔‘

انھوں نے کہا ’میں اور میری بہنیں میو اسپتال میں پیدا ہوئے ، پیسے والے لوگ سرکاری اسپتالوں میں نہیں جاتے، حکمرانوں نے سرکاری اسپتالوں کو تباہ کردیا ہے، پہلی بار کے پی میں ہم نے سرکاری اسپتالوں کا نظام ٹھیک کیا ہے، اب لوگ انھیں نجی اسپتالوں پر ترجیح دے رہے ہیں۔‘


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں