The news is by your side.

Advertisement

پی پی، ن لیگ حکومت نے کرپشن کے تمام ریکارڈ توڑ دیے، عمران خان

میانوالی: پاکستان تحریک انصاف کے چیئرمین عمران خان نے کہا ہے کہ پی پی، ن لیگ حکومت نے کرپشن، نااہلی کے تمام ریکارڈ توڑ دئیے، ن لیگ وٹ مانگنے آئے تو پوچھنا 5 سال میں کون سا ادارہ ٹھیک کیا ہے۔

ان خیالات کا اظہار انہوں نے پپلاں میں جلسے سے خطاب کرتے ہوئے کیا، عمران خان نے کہا کہ حکمران چوری کرتے ہیں تو ان کے بچے اربوں پتی بن جاتے ہیں، ن لیگ نے عوام کا 5 سال میں 3600 ارب روپے کا نقصان کیا ہے۔

انہوں نے کہا کہ حکمران اور ان کے وزیر کرپشن کرکے پیسہ باہر لے جاتے ہیں، نواز شریف اپنے دو بچوں کو لندن میں پیسہ بھجواتے تھے، اسحاق ڈار اپنے بچوں کو دبئی میں پیسہ چوری کرکے بھجواتے تھے، نواز شریف سے پوچھا گیا تو کہتے ہیں بچے برطانیہ کے شہری ہیں۔

عمران خان کے مطابق پی ٹی آئی اقتدار میں آکر نظام ٹھیک کرے گی تو عوام کو فائدہ ہوگا، پولیس، اسپتال، تعلیم کا نظام ٹھیک کرنا ہے، کسانوں کی مدد کرنی ہے، دیگر ممالک کسانوں کو اچھی فصل کے لیے سبسڈی دیتے ہیں، ہم نے خیبرپختونخوا میں ایک ارب 18 کروڑ درخت لگائے، پنجاب میں ن لیگ کی حکومت نے جنگلات کو تباہ کردیا ہے، پی ٹی آئی اقتدار میں آکر ملک کے تمام جنگلات کو ٹھیک کرے گی۔

چیئرمین تحریک انصاف نے کہا کہ 10 سال پہلے ایک ڈالر 60 روپے کا تھا، آج مارکیٹ میں ڈالر 130 روپے تک پہنچ گیا ہے، قوم پر آج ایک ہزار ارب روپے کا مزید قرضہ چڑھ گیا ہے، ملک کا سب سے بڑا مسئلہ قرضوں میں اضافہ ہے، روپے کی قدر کم ہونے سے عوام براہ راست متاثر ہوگی، جب ٹیکس لگتا ہے تو عوام کے پاس پیسہ کم پڑ جاتا ہے۔

عمران خان نے کہا کہ کرپشن کی وجہ سے مہنگائی ہوتی ہے، سارا بوجھ عوام پر پڑتا ہے، پشاور میں چار ارب روپے سے عالمی معیار کا اسپتال بنایا ہے، ان کی نااہلی اور چوری کی وجہ سے 3600 ارب روپے کا نقصان ہوا ہے، پپلاں کے لوگوں 9 دنوں کو اپنی جنگ سمجھنا ہے سب کو ووٹ کے لیے باہر لانا ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں