خیبرپختون خواہ کا وزیراعلیٰ اور وزرا آن ٹرائل رہیں گے: عمران خان Imran Khan
The news is by your side.

Advertisement

جو وزیر کارکردگی دکھائے گا، صرف وہ ہی اپنے عہدے پر رہے گا: عمران خان

پشاور: پی ٹی آئی کے چیئرمین عمران خان نے کہا ہے کہ خیبرپختون خواہ کا وزیراعلیٰ اور وزرا آن ٹرائل رہیں گے.

ان خیالات کا اظہار انھوں نے خیبرپختون خواہ کے نو منتخب ارکان سے خطاب کرتے ہوئے کیا.

ان کا کہنا تھا کہ وزیراعلیٰ اور وزرا کی کارکردگی مانیٹرہوگی، جو وزیر کارکردگی دکھائے گا، صرف وہ ہی اپنے عہدے پر رہے گا.

پی ٹی آئی چیئرمین نے واضح‌الفاط میں‌ کہا کہ سب کی کارکردگی پر چیک ہوگا، وزرا کو عوامی فلاح وبہبود کے ٹارگٹ دیے جائیں گے.

انھوں‌نے کہا کہ آپ پانچ سال کی فکر چھوڑیں، پہلے تین مہینےانتہائی اہم ہیں، تین ماہ میں عوام کو آپ کی کارکردگی کا پتا چل جائےگا.


شاہ زین بگٹی نے عمران خان کی حمایت کا اعلان کر دیا


اپنے خطاب میں عمران خان نے دیگر صوبوں‌ کی محرومیوں کے ازالے کا بھی ذکر کیا، ساتھ خیبرپختون خواہ کے نومنتخب ارکان کو عوامی توقعات پر پورا اترنے کی ہدایت کی.

یاد رہے کہ آج جمہوری وطن پارٹی کے سربراہ شاہ زین بگٹی نے پی ٹی آئی چیئرمین سے ملاقات میں‌ وزیر اعظم کے انتخاب میں ان کے حمایت کی یقین دہانی کرائی.

ملاقات میں عمران خان نے کہا کہ ان کی جماعت کوہرممکن معاونت فراہم کریں گے، محرومیوں‌ کا ازالہ کیا جائے گا.

Comments

comments

یہ بھی پڑھیں