The news is by your side.

Advertisement

قوم کو پاناما کا معاملہ بھولنے نہیں دیں گے: عمران خان

اسلام آباد: تحریک انصاف کے چیئرمین عمران خان نے پاناما کیس پر کمیشن کا آپشن ایک بار پھر دو ٹوک مسترد کرتے ہوئے کہا ہے کہ لارجر بینچ کیس کو سمجھ چکا ہے۔ بہتر ہوگا کہ فیصلہ یہی بینچ کرے۔

آج اسلام آباد سپریم کورٹ میں پاناما کیس کی دسویں سماعت ہوئی۔ سماعت کے بعد عمران خان نے مسلم لیگ ن کو واضح پیغام دے دیا کہ قوم کو پاناما کا معاملہ بھولنے نہیں دیں گے۔

ان کا کہنا تھا کہ قوم 8 ماہ سے سپریم کورٹ کی طرف دیکھ رہی ہے۔ لارجر بینچ کیس کو سمجھ چکا ہے۔ بہتر ہوگا کہ فیصلہ یہی بینچ کرے۔

عمران خان نے جسٹس ثاقب نثار کو چیف جسٹس نامزد ہونے پر مبارکباد دیتے ہوئے کہا کہ پاناما کیس کا فیصلہ کرنا ان کی اہم ذمہ داری ہوگی۔

واضح رہے کہ پاناما لیکس کیس کی سماعت میں آج عدالت نے کمیشن بنانے کے حوالے سے فریقین کا مؤقف سنا۔ کیس کی اگلی سماعت جنوری کے پہلے ہفتے تک ملتوی کردی گئی ہے۔

Print Friendly, PDF & Email

Comments

comments

یہ بھی پڑھیں