آج تاریخ کا سب سے بڑا یو ٹرن دیکھا ہے: عمران خان -
The news is by your side.

Advertisement

آج تاریخ کا سب سے بڑا یو ٹرن دیکھا ہے: عمران خان

اسلام آباد: تحریک انصاف کے چیئرمین عمران خان کا کہنا ہے کہ وزیر اعظم نے قومی اسمبلی میں کہا تھا کوئی استثنیٰ نہیں لوں گا۔ انہیں اندازہ نہیں تھا کہ کیس سپریم کورٹ میں جائے گا۔

آج پاناما کیس کی سماعت کے بعد سپریم کورٹ کے باہر گفتگو کرتے ہوئے تحریک انصاف کے چیئرمین عمران خان کا کہنا تھا کہ آج تاریخ کا سب سے بڑا یو ٹرن دیکھا ہے۔

عمران خان نے کہا کہ وزیر اعظم نواز شریف نے اسمبلی میں کہا تھا کہ کوئی استثنیٰ نہیں لوں گا۔ انہوں نے کہا تھا کہ پورے خاندان کے احتساب کے لیے تیار ہوں، لیکن انہیں اندازہ نہیں تھا کہ کیس سپریم کورٹ میں جائے گا۔

انہوں نے کہا کہ آئی سی آئی جے کے مطابق جائیداد کی اصل مالک مریم نواز ہے لیکن قطری شہزادے کے خط میں مریم نواز کا نام موجود نہیں۔ آئی سی آئی جے کی دستاویزات کے بعد قطری خط ختم ہوجاتا ہے۔

عمران خان نے کہا کہ اگر یہ سمجھتے ہیں کہ یہ بے قصور ہیں تو آئی سی آئی جے کے خلاف عدالت میں جائیں۔ یہ تو تسلیم ہی نہ کرتے کہ ان کے فلیٹس موجود ہیں لیکن پاناما پیپرز کی وجہ سے انہیں تسلیم کرنا پڑا۔

چیئرمین تحریک انصاف کا کہنا تھا کہ ساری قوم منی ٹریل کا انتظار کر رہی ہے جو ابھی تک سامنے نہیں آئی۔ ابھی تو قطری خط کی وضاحت بھی باقی ہے۔

ایک سوال کے جواب میں ان کا کہنا تھا کہ ہم نے پاناما کے حوالے سے تمام ثبوت جمع کروا دیے ہیں۔ ہمارے بیانات کی بی بی سی کی رپورٹ نے بھی تصدیق کردی ہے۔

Comments

comments

یہ بھی پڑھیں