The news is by your side.

Advertisement

عمران خان کنٹینر پرچڑھنے کے بجائے چندے میں ہیر پھیر کا جواب دیں، پرویز رشید

اسلام آباد: پرویز رشید کا کہنا ہے عمران خان بار بار کنٹینر پر چڑھنے کی بجائے چندے میں ہیر پھیر کا جواب دیں۔

وفاقی وزیر اطلاعات کی جانب سے جاری بیان میں کہا گیا کہ عمران کا نوے روز میں کرپشن ختم کرنے کا وعدہ جھوٹا تھا اور اب بھی اگر عمران خان نے عوامی خدمت کے ایجنڈے پر توجہ نہ دی تو دو ہزار اٹھارہ کے انتخابات میں ان کی سیاست کا خاتمہ ہو جائے گا۔

پرویز رشید کا مزید کہنا تھا کہ عمران خان احتساب تحریک چلانے سے پہلے خیبرپختونخوا کے سابق ڈی جی احتساب کمیشن کی چارج شیٹ کا جواب دیں۔

وفاقی وزیر برائے اطلاعات و نشریات سینیٹر پرویز رشید نے کہا ہے کہ عمران خان کی تحریک نہ حکومت کو نقصان پہنچا سکتی ہے اورنہ پاکستان کو کوئی نقصان پہنچا سکتی ہے تحریک میں پاکستان کے عوام شامل نہیں اگر لوگوں کو عمران خان کے الزامات پر کوئی یقین ہوتا تو وہ عمران کے کنٹینر کے منتظر نہ رہتے بلکہ کنٹینر پیچھے ہوتا اور پاکستان کے عوام آگے سڑکوں اور گلیوں میں نکل آتے۔

Print Friendly, PDF & Email

Comments

comments

یہ بھی پڑھیں