The news is by your side.

Advertisement

عمران خان کی وطن واپسی، داتا دربارہ پرحاضری اور مہم سازی کاآغاز آج کریں گے

اسلام آباد : پاکستان تحریک انصاف کے سربراہ عمران خان وطن واپس پہنچ گئے، وہ آج  داتا دربارہ پرحاضری  دیں گے اور مہم سازی کاآغازکریں گے۔

تفصیلات کے مطابق پی ٹی آئی چیئرمین عمران خان لندن کا دورہ مکمل کرکے لاہور  پہنچ گئے، ،شام پانچ بجے داتا دربارپرحاضری دیں گے اور  انتیس اپریل کے جلسے کی تیاریوں کا جانزہ لیں گے۔

لاہور سے ایک لاکھ افراد کو جلسہ گاہ لانے کا ٹارگٹ پورا کر نے کے لئے عمران خان آج شہر کا دورہ کریں گے اور مہم سازی کاآغازکریں گے،  سیکیورٹی کے حوالے سے  پی ٹی آئی کی طرف سے ڈی سی لاہور کو بھی ایک خط ارسال کر دیا گیا ہے۔

کپتان آج لاہور میں پانچ مقامات پر مختصر خطاب کریں گے،  اِن پانچ مقامات میں بھاٹی گیٹ، شاہ عالم مارکیٹ، موچی گیٹ ، دہلی دروازہ اور  شیرانوالہ گیٹ شامل ہیں۔

کھلاڑیوں کی طرف سے عمران خان کا بھرپور استقبال کیا جائے گا۔

وطن واپسی سے قبل لندن میں میڈیا سے گفتگو میں عمران خان کا کہنا تھا کہ چیف جسٹس وہ کام کررہےہیں جوحکومت کوکرناچاہئے تھا، نگراں سیٹ اپ سب کی مشاورت سے آنا چاہیے، الیکشن میں ایک دو پارٹنر بن سکتے ہیں۔


مزید پڑھیں : عمران خان کا 29 اپریل کو ملکی تاریخ کا سب سے بڑا جلسہ کرنے کا اعلان


عمران خان کا کہنا تھا کہ نوازشریف کی ذمے داری ہے کہ بتائیں پیسہ کہاں سے آیا، سوالوں کا جواب دینے کے بجائے وہ سازشوں اور جوڈیشل مارشل لا کی باتیں کررہے ہیں۔

یاد رہے کہ تحریک انصاف کے چیئرمین عمران خان  نے 29 اپریل کو لاہور کے مینار پاکستان پر  ملک کی تاریخ کا سب سے بڑا جلسہ کرنے کا اعلان کرتے ہوئے کہا تھا کہ ہم نے ایک دن رائیونڈ جلسہ کیا تھا جس کی گونج “مجھےکیوں نکالا” کی صورت میں اب بھی سنائی دے رہی ہے۔

سربراہ پی ٹی آئی کا کہنا تھا کہ پاکستان کو ٹھیک کرنا کوئی راکٹ سائنس نہیں، سچی نیت اور صدق دل کے ساتھ کام کیا جائے تو ملک کا نظام ٹھیک کر سکتے ہیں، لٹیروں اور کرپٹ مافیا کا خاتمہ کر دیں گے، پاکستان میں ترقی کی بنیاد رکھنے کے لیے ادارے مضبوط کرنے ہوں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں