The news is by your side.

Advertisement

نواز شریف عدلیہ اورفوج کےغیرجانب دار ہونے پر خفا ہیں: عمران خان

اسلام آباد: پی ٹی آئی کے چیئرمین عمران خان نے کہا ہے کہ نواز شریف جسٹس(ر) قیوم جیسے جج چاہتےہیں، وہ عدلیہ اورفوج کےغیرجانب دار ہونے پر خفا ہیں.

پی ٹی آئی چیئرمین نے ٹی وی انٹرویو میں کہا کہ نوازشریف چاہتے ہیں، عدلیہ اورفوج ان کا ساتھ دے، نوازشریف کے پاس نہ تو ثبوت ہیں، نہ ہی منی ٹریل، آرمی چیف کے اس بیان میں کہ وہ جمہوریت کے ساتھ ہیں، شفاف الیکشن کروائیں گے، آخر غلط کیا ہے، تمام جماعتوں نے کہا کہ 2013 کے الیکشن میں دھاندلی ہوئی.

نوازشریف نے الیکشن کو کاروبار بنا دیا، ہماری حکومت آئی تو تمام ادارے شفاف کام کریں گے

عمران خان

انھوں نے چیلنج کیا کہ دھرنے سے متعلق کوئی ٹیپ ہے تو ن لیگ سامنے لائے، دھرنےمیں جنرل (ر) ظہیرالاسلام کا کوئی کردار نہیں تھا، نوازشریف کو سب کچھ بعد میں یاد آتا ہے.

انھوں‌ نے کہا کہ میں نےصرف چار حلقوں کے نتائج چیلنج کیے، دھاندلی نہیں ہوئی تھی، توچارحلقےکھول دیتے، شریف خاندان نے نیب کوادارہ نہیں بنے دیا.

انھوں نے کہا کہ بھٹونے جس دورمیں الیکشن لڑا، وہ اور دورتھا، آہستہ آہستہ الیکشن میں پیسہ چلنا شروع ہوگیا، نوازشریف نے الیکشن کو کاروبار بنا دیا، ہماری حکومت آئی تو تمام ادارے شفاف کام کریں گے۔

عمران خان کا کہنا تھا کہ عوام میں مقبولیت کی وجہ سےلوگ پارٹی میں شامل ہورہے ہیں، کچھ الیکٹیبلزکو پارٹی کے لوگ پسند کرتے ہیں، کچھ کو نہیں، الیکٹیبلز صرف الیکشن لڑنے کی سائنس جانتا ہے، وہ ملک کو نہ تو اوپرلے جا سکتا ہے، نہ ہی نیچے۔

انھوں نے سوال کیا کہ نوازشریف اوراس کے بچےارب پتی کیسے بنے؟ اسحاق ڈارکے بچے دبئی میں بیٹھ کرارب پتی بنے ہوئے ہیں، پنجاب حکومت کے پیسے بنانےکےطریقے ایکسپوزکریں گے۔

انھوں نے کہا کہ نیا پاکستان عمران خان کا وژن ہے، ہمارانیب کسی کونہیں بخشےگا، بلاتفریق سب کااحتساب ہوگا، ہماری حکومت میں تمام ادارےشفاف کام کریں گے، خیبرپختونخواہ میں نیب آج بھی ایکٹو ہے، نیب ہی نے تحریک انصاف کے وزیر ضیا اللہ آفریدی کو پکڑا۔


تین بارکے منتخب وزیراعظم نے عدالت میں شرمناک بیان دیا، عمران خان


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں