عمران خان نے فوٹوسیشن کے لئے پریس فوٹوگرافر سے واسکٹ ادھار لے لی
The news is by your side.

Advertisement

عمران خان نے فوٹوسیشن کے لئے پریس فوٹوگرافر سے واسکٹ ادھار لے لی

اسلام آباد : پاکستان تحریک انصاف کے سربراہ عمران خان نے قومی اسمبلی کے اجلاس سے پہلے فوٹوسیشن کے لئے پریس فوٹوگرافر سے واسکٹ ادھار لے لی۔

تفصیلات کے مطابق وزیراعظم ہاؤس میں نہ رہنے پروٹوکول نہ لینے کے فیصلے کے بعد عمران خان نے سادگی کی ایک اور مثال قائم کردی۔

قومی اسمبلی اجلاس میں عمران خان بطور ممبر قومی اسمبلی حلف اٹھانے کے پارلیمنٹ ہاؤس پہنچے، اس موقع پر انھوں نے سفید شلوار قمیض زیب تن کی تھی۔

اجلاس سے پہلے رجسٹریشن کے لیے تصویر بھی بنوانا تھی، تصویر کے لیے عمران خان کو واسکٹ کی ضرورت پڑی تو انھوں نے پریس فوٹوگرافر سے واسکٹ ادھارلی اور تصویر کھنچوا کر واسکٹ واپس کردی۔

یاد رہے اس سے قبل ملک کی 15 ویں قومی اسمبلی کا اجلاس ہوا، جس میں اسپیکرقومی اسمبلی سردار ایازصادق نے نومنتخب اراکین سے حلف لیا۔

عمران خان جب ارکان کی فہرست میں دستخط کرنے آئے تو ایوان عمران خان وزیراعظم”اور”آئی آئی پی ٹی آئی”کے نعروں سے گونج اٹھا۔

خیال رہے قومی اسمبلی میں پاکستان تحریک انصاف ایک سواٹھاون نشستوں کے ساتھ سب سے بڑی پارٹی بن کر ابھری ہےجب کہ مسلم لیگ (ن) بیاسی نشستوں کے ساتھ دوسرے، پیپلز پارٹی ترپین نشستوں کے ساتھ تیسر ے نمبر پر ہے۔

متحدہ مجلس عمل پندرہ نشستوں کے ساتھ چوتھے، متحدہ قومی موومنٹ سات نشستوں کے ساتھ پانچویں، مسلم لیگ (ق) پانچ نشستوں کے ساتھ چھٹے، بلوچستان عوامی پارٹی پانچ نشستوں کے ساتھ ساتویں اور بلوچستان نیشنل پارٹی چار نشستوں کے ساتھ آٹھویں نمبر پر ہے۔

جی ڈی اے نے قومی اسمبلی میں کل تین نشستیں حاصل کیں جب کہ عوامی نیشنل پارٹی، عوامی مسلم لیگ اور جمہوری وطن پارٹی نے ایک ایک نشست حاصل کی ہے۔

Comments

comments

یہ بھی پڑھیں