انتقامی سیاست پر یقین نہیں رکھتے، عمران خان -
The news is by your side.

Advertisement

انتقامی سیاست پر یقین نہیں رکھتے، عمران خان

اسلام آباد: وزیراعظم عمران خان نے کہا ہے کہ حکومت عدالتی فیصلوں کو آئین و قانون کی نظر سے دیکھتی ہے، ہم انتقام کی سیاست پر یقین نہیں رکھتے۔

تفصیلات کے مطابق و یر اعظم عمران خان کی زیرصدارت پارٹی کامشاورتی اجلاس ہوا جس میں شاہ محمودقریشی، اسدعمر، شیریں مزاری، نعیم الحق، بابر اعوان نے شرکت کی۔

ذرائع کے مطابق اجلاس میں نوازشریف کی سزامعطلی کےفیصلےپرتفصیلی غور  کیا گیا اور اسلام آباد ہائی کورٹ کے فیصلے کے بعد کی صورتحال پر بھی تبادلہ خیال کیا گیا۔

ذرائع کے مطابق ڈاکٹربابراعوان نےعدالتی فیصلےکےقانونی نکات پرروشنی ڈالی جبکہ نیب کا سزا معطلی کا فیصلہ چیلنج کرنےکے بیان کابھی جائزہ بھی لیا گیا۔

مزید پڑھیں: نواز شریف، مریم اور کیپٹن (ر) صفدر جیل سے رہا

مشاورتی اجلاس کے اراکین سے گفتگو کرتے ہوئے عمران خان کا کہنا تھا کہ ادارےآزادوخودمختارہیں، ہم عدالتی فیصلوں کااحترام کرتے ہیں،  حکومت عدالتی فیصلوں کوآئین وقانون کی نظرسےدیکھتی ہے۔

اُن کا کہنا تھا کہ انتقام کی سیاست پریقین نہیں رکھتے،  ادارےمضبوط ہوں گےتو ہر با اثر شخص کےخلاف کارروائی ہوگی، حکومت کو عام آدمی کی زندگی بہترکرنےکےلئےاقدامات کرناہوں گے۔

عمران خان کا مزید کہنا تھا کہ ملک کا سب سے بڑا مسئلہ کرپشن ہے جس پر قابو پانے کے لیے اقدامات کرنے ہوں گے۔

خیال رہے کہ اسلام آباد ہائی کورٹ نے نیب کا فیصلہ معطل کرتے ہوئے گزشتہ روز سابق وزیراعظم نوازشریف، مریم نواز اور کپیٹن (ر) صفدر کو رہا کرنے کا حکم دیا تھا۔

یہ بھی پڑھیں: نواز شریف اور لیگی رہنماؤں کی اڈیالہ جیل میں تصویر کی اندرونی کہانی

عدالتی حکم کے بعد تینوں لیگی رہنماؤں کو اڈیالہ جیل سے باہر لایا گیا جس کے بعد وہ خصوصی طیارے کی پرواز کے ذریعے لاہور جاتی امرا پہنچے، اس موقع پر کارکنان کی بڑی تعداد نے استقبال کیا تھا۔

Comments

comments

یہ بھی پڑھیں