اسلام آباد: پاکستان تحریک انصاف کے سربراہ عمران خان نے انتخابی اصلاحات بل کی منظوری پر مشاورت کے لیے پارٹی رہنماؤں کا اہم اجلاس طلب کرلیا۔
تفصیلات کے مطابق پاکستان چیئرمین تحریک انصاف عمران خان نے انتخابی اصلاحات بل کی منظوری اور نوازشریف کی بطور پارٹی صدر واپسی پر پارٹی رہنماؤں کا اہم اجلاس طلب کرلیا۔
ذرائع کے مطابق اجلاس میں انتخابی اصلاحات بل کوسپریم کورٹ میں چیلنج کرنے کے لیے مشاورت ہوگی، قانونی ماہرین معاملے پرعمران خان کو بریفنگ بھی دیں گے جس کے بعد بل سپریم کورٹ میں چیلنج کیا جائے گا۔
پاکستان تحریک انصاف کے سربراہ عمران خان کی زیرصدارت اجلاس میں موجودہ سیاسی ماحول میں پی ٹی آئی کی سیاسی حکمت عملی طےکی جائے گی۔
نواز شریف کو پارٹی سربراہ بنانے کی راہ میں حائل آخری رکاوٹ بھی دور
یاد رہے کہ گزشتہ روز نااہل سابق وزیراعظم نواز شریف کو دوبارہ پارٹی سربراہ بنانے کے لیے پیش کردہ انتخابات بل 2017ء اپوزیشن کے احتجاج کے باوجود قومی اسمبلی سے بھی منظور کرلیا گیا تھا۔
نوازشریف بلامقابلہ مسلم لیگ ن کے صدر منتخب
واضح رہے کہ پاناما کیس کے فیصلے کے بعد نا اہل ہونے والے سابق وزیراعظم نوازشریف مسلم لیگ ن کے بلا مقابلہ صدر منتخب ہوگئے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
