The news is by your side.

Advertisement

نواز شریف کی ریلی، عمران خان نے مردان کا جلسہ ملتوی کر دیا

اسلام آباد: نواز شریف کی ریلی،عمران خان نے مردان کاجلسہ ملتوی کر دیا اور پارٹی ورکرز کو ہدایت کی معاملات پرپوری نظر رکھنا ہوگی۔

تفصیلات کے مطابق تحریک انصاف کے چیئرمین عمران خان نے نوازشریف کی احتجاجی ریلی کے سبب مردان کا جلسہ ملتوی کردیا اور کہا کہ نوازشریف ریلی کے ذریعے اپنے آپ کو کرپشن کیسز سے بچنا چاہتے ہیں، اور سپریم کورٹ پر حملے کی کوشش کررہے ہیں۔

عمران خان کا کہنا تھا کہ میں قومی مہم میں مصروف ہوں، ساری توجہ پنجاب میں جاری مہم پرمرکوز ہے

پی ٹی آئی چیئرمین نے پارٹی عہدیداروں کو جلسے کی تاریخ تبدیل کرنے کی ہدایت کرتے ہوئے کہا کہ معاملات پر پوری نظر رکھنا ہوگی۔

واضح رہے کہ پاناما کیس میں سپریم کورٹ کی جانب سے نواز شریف کو بطور وزیراعظم نااہل قرار دے دیا تھا، جس کے بعد سابق وزیراعظم نے سیکیورٹی خدشات کے باوجود اسلام آباد سے اپنے آبائی علاقے لاہور کیلئے ریلی کی صورت میں بہ ذریعہ جی ٹی روڈ جانے کا فیصلہ کیا تھا۔


مزید پڑھیں : نوازشریف کا قافلہ گجرانوالہ کی جانب رواں دواں


سابق وزیراعظم نوازشریف کے سفرلاہور کا آج تیسرا دن ہے اور انکا قافلہ گوجرانوالہ کی جانب رواں دواں ہے ، نواز شریف آج گوجرانوالہ میں قیام کریں گے، کارکنان نوازشریف کے قافلے پر پھولوں کی پتیاں نچھاورکر رہے ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں