اسلام آباد :پاکستان تحریک انصاف کے سربراہ عمران خان نے ملک کی موجودہ سیاسی صورت حال کے پیش نظر حج پرجانے کا پروگرام ملتوی کردیا ہے۔
تفصیلات کے مطابق سربراہ تحریک انصاف عمران خان کو 8 ستمبر کو حج کے لیے سعودیہ عرب روانہ ہونا تھا لیکن ملک کی پیچیدہ سیاسی صورت حال کو دیکھتے ہوئے اپنی بیرون ملک روانگی کا شیڈول موخر کردیا ہے۔
ذرائع کے مطابق سربراہ تحریک انصاف نے یہ فیصلہ پارٹی رہنماؤں سے مشورے کے بعد کیا پارٹی رہنماؤں نے خدشہ ظاہرکیا تھا کہ عمران خان کہ غیرموجودگی کے باعث حکومت کو فائدہ پہنچے گا اب جب کہ ملک میں احتساب ریلی اپنے عروج پر ہے اور قوم ایک مقصد پر اکھٹی ہو چکی ہے اس لیے عمران خان کا ملک میں مجود رہنا نہایت ضروری امر بن چکا ہے۔
اسی حوالے سے تحریک انصاف کے ترجمان اور مرکزی رہنما نعیم الحق نے اے آر وائی کے رپورٹر سے بات کرتے ہوئے بتایا کہ عمران خان کو 8 ستمبربیرون ملک روانہ ہونا تھا اور اس دوران انہیں سعودیہ ادا بھی جانا تھا تا ہم انہوں نے حج کی ادائیگی کا مصصم ارادہ نہیں کیا تھا۔
