The news is by your side.

Advertisement

وزیراعظم عمران خان نے شہزادہ محمد بن سلمان کی گاڑی خود ڈرائیو کی

اسلام آباد : سعودی ولی عہد شہزادہ محمد بن سلمان پاکستان پہنچے تو ان کا شایان شان استقبال کیا گیا، شاہی مہمان کی گاڑی وزیر اعظم عمران خان نے خود ڈرائیو کی۔

تفصیلات کے مطابق سعودی ولی عہد شہزادہ محمد بن سلمان کی دو روزہ دورے پر پاکستان آمد پر ان کا سعودی ولی عہد کا فقیدالمثال استقبال کیا گیا، نور خان ایئر بیس پر وزیر اعظم عمران خان، آرمی چیف جنرل قمر جاوید باجوہ اور وفاقی کابینہ کے اراکین بھی موجود تھے،

اس کے علاوہ وزیرمہمانداری خسرو بختیار اور سعودی سفیر بھی استقبال کیلئے موجود تھے، سعودی ولی عہد شہزادہ محمد بن سلمان کو بچوں نے گلدستے پیش کئے۔ بعد ازاں سعودی ولی عہد شہزادہ محمد بن سلمان وزیراعظم ہاؤس کیلئے روانہ ہوئے۔

مزید پڑھیں: سعودی ولی عہد پاکستان پہنچ گئے، پرتپاک استقبال، اہم معاہدوں‌ پر دستخط

اس موقع پر وزیراعظم عمران خان سعودی ولی عہد کی گاڑی خود ڈرائیو کررہے تھے، وہ گاڑی ڈرائیو کرکے وزیر اعظم ہاؤس لے کر گئے، وزیراعظم ہاؤس پہنچنے پر شہزادہ محمد بن سلمان کو21توپوں کی سلامی دی گئی اور گارڈ آف آنر پیش کیا گیا۔

Comments

comments

یہ بھی پڑھیں