The news is by your side.

Advertisement

وزیراعظم کی زیرصدارت وفاقی کابینہ کا اجلاس آج ہوگا

اسلام آباد: وزیراعظم عمران خان کی زیرصدارت وفاقی کابینہ کا اجلاس ہوگا ، جس میں ملکی سیاسی اور معاشی صورت حال کا جائزہ لیا جائے گا، اجلاس کے وقت اور مقام میں تبدیلی کی گئی۔

تفصیلات کے مطابق وفاقی کابینہ کا اجلاس وزیراعظم آفس کے بجائے وزیراعظم ہاؤس میں ہوگا، مذاکراتی کمیٹی کی وزیراعظم سے ملاقات کے باعث اجلاس کا وقت 30منٹ آگے کیا گیا۔

 وزیراعظم عمران خان وفاقی کابینہ اجلاس کی صدارت کریں گے، اجلاس کا 8نکاتی ایجنڈا جاری کردیا گیا، کابینہ ای سی سی کے فیصلوں کی توثیق کرے گی۔

قانون ساز ی سے متعلق خصوصی کمیٹی کے فیصلوں کی توثیق ایجنڈے میں شامل ہے، سی ڈی اے کی تنظیم نو بھی ایجنڈے کا حصہ ہے۔

اجلاس میں بجلی سے چلنے والی گاڑیوں سے متعلق پالیسی بھی زیرغور آئے گی، جبکہ نیشنل پاور پارک مینجمنٹ کمپنی کے سی ای او کی تعیناتی کی منظوری ایجنڈے میں شامل ہے۔

وزیراعظم عمران خان کی زیرصدارت آج ہونے والے اجلاس میں نادرا کے مالی سال 2019 کے آڈٹ کی منظوری بھی ایجنڈے کا حصہ بنایا گیا ہے۔

ذرائع کے مطابق میجر جنرل عامر مجید کی بطور ڈی جی رینجرز پنجاب عارضی تبادلہ کی منظوری دی جائے گی۔ نادرا کے مالی سال 2019 کے آڈٹ کی منظوری بھی ایجنڈے میں شامل ہے۔

وفاقی کابینہ کا اجلاس ، لاہور، کراچی، پشاور اور ملتان کے لیے بڑی خبر آگئی

یاد رہے کہ گزشتہ ہفتے وزیراعظم عمران خان کی زیر صدارت وفاقی کابینہ اجلاس میں لاہور،ملتان،کراچی اور پشاور میں کثیرمنزلہ عمارتوں کی تعمیر کی پالیسی کی منظوری دی گئی تھی۔

Comments

comments

یہ بھی پڑھیں